Spɛnd Tɛm wit di Wan dɛn We Lɛk Jiova

Wetin mek wi fɔ spɛnd tɛm wit pipul dɛn we lɛk Jiova? Na bikɔs di wan dɛn we wi de spɛnd tɛm wit kin mek wi du gud ɔ bad. (Prɔ 13:​20) Fɔ ɛgzampul, Kiŋ Joash “bin du wetin rayt na PAPA GƆD in yay” ɔl di tɛm we di Ay Prist Jɛhoayda bin de. (2Kr 24:​2) We Jɛhoayda day, Joash bin kɔmɔt biɛn Jiova bikɔs i bin gɛt bad padi dɛn.—2Kr 24:​17-19.

Insay di fɔstɛm Kristian dɛn tɛm, di apɔsul Pɔl bin kɔmpia di kɔngrigeshɔn to big “os” ɛn i kɔmpia di wan dɛn we de na di kɔngrigeshɔn to “ɔlkayn plet ɛn pan dɛn” ɔ tin dɛn we dɛn de yuz na os. If wi nɔ kip kɔmpin wit ɛnibɔdi, ilɛksɛf na wi fambul, ɔ pɔsin we de na di kɔngrigeshɔn we nɔ de du wetin Jiova want, wi go bi tin we dɛn de yuz fɔ “big biznɛs.” (2Ti 2:​20, 21) So lɛ wi kɔntinyu fɔ mek padi wit di wan dɛn we lɛk Jiova ɛn we go ɛnkɔrej wi fɔ sav am.

WACH DI FIM WE GƐT DI TAYTUL, LAN NƆ FƆ KIP BAD PADI, DƆN UNA ANSA DI KWƐSTYƆN DƐN WE DE DƆŊ:

• Wetin na sɔm we dɛn we wi go spɛnd tɛm wit bad padi dɛn?

• Insay di fim we wi wach, wetin bin ɛp dɛn tri Kristian dɛn fɔ lɛf fɔ kip kɔmpin wit bad padi?

• Us Baybul prinsipul dɛn go ɛp yu fɔ tek tɛm pik yu padi dɛn?