25 Vakedi nkento mosi wavaikanga o menga+ se mvu 12.+ 26 Mpasi zayingi kamwene kala vana moko ma nganga za mawuku yo futa yawonso kakala yau, kansi yandi kasasuki, e mpasi zandi zawokelanga kaka. 27 Vava kawidi e nsangu mu kuma kia Yesu, wele kuna nim’andi, vana vena e ndonga, osimbidi e nswiku a mvuatu andi,+ 28 kadi edi kavovanga vo: “Avo nsimba kaka o mvuatu andi, isasuka.”+ 29 Vana vau o menga makangamene, obakwidi muna nitu andi vo osasukidi muna kimbevo kiampasi.

30 Vana vau Yesu obakwidi vo ngolo+ zimvaikidi, ovilukidi kwa ndonga, oyuvuidi vo: “Nani osimbidi o mvuatu ame?”+ 31 Alongoki andi bamvutwidi vo: “Ongeye omwene kwaku e ndonga ifinangese ye mu yuvula wina, ‘Nani usimbidi?’” 32 Kansi, ovilukidi katala ndiona ovangidi wo. 33 O nkento omwene o wonga yo zakama, wau kazeye dina dimbwididi, wizidi fukama vana kena yo kunsamunuina e ludi kiawonso. 34 Yesu umvovese vo: “E mwana, o lukwikilu lwaku lusaswidi. Wendela kuna luvuvamu,+ sasuka muna kimbevo kiaku kiampasi.”+

56 Konso fulu kina kakotanga, kiakala muna mavata, mbanza yovo mpatu, basianga e mbevo muna mazandu yo kundodokela vo baviakana kaka o nswiku a mvuatu andi.+ Awonso ana baviakananga wo, basasukanga.

43 Vakedi nkento mosi wavaikwanga o menga+ se mvu 12, ke vakala muntu ko walenda kunsasula.+ 44 Ofinamene kuna nima yo simba o nswiku a mvuatu andi,+ vana vau e mpaik’a menga ikakamene. 45 O Yesu ovovele vo: “Nani unsimbidi?” Yau awonso bavakwidi wo nkalu, o Petelo ovovele vo: “E Nlongi, ndonga izungidi yo kufinangesa.”+ 46 O Yesu ovovele vo: “Muntu unsimbidi, kadi nzeye wo vo ngolo+ zimpaikidi.” 47 O nkento wau kamwene vo kalendele swekama ko, wizidi azakama yo fukama vana kena, ovovele vana ndose a wantu awonso e kuma kansimbidi ye una kasasukidi vana vau. 48 Ovovese nkento vo: “E mwana, o lukwikilu lwaku lusaswidi. Wendela kuna luvuvamu.”+