Tuku

14 Muna lumbu yayina, Amerafele wa ntinu a Sina,+ Areoke wa ntinu a Elasa, Kedolaome+ wa ntinu a Elame+ yo Tidale wa ntinu a Ngoime, 2 banuene vita yo Bera wa ntinu a Sodoma,+ Binsa wa ntinu a Ngomora,+ Sinabi wa ntinu a Adema, Semebe wa ntinu a Seboime+ yo ntinu a Bela, i sia vo, Soare. 3 Yau awonso bawanane vana Ndimb’a Sidimi,+ i sia vo, Mbu a Mungwa.*+

4 Mvu 12 basadila Kedolaome, kansi muna mvu wa 13 bankolamena. 5 Muna kuma kiaki, muna mvu wa 14, o Kedolaome kumosi ye atinu ana banyikama, bayiza fwasa Anerefa muna Asetero-kanai, Azuzi muna Kami, Anemime+ muna Save-kireyatai,  6 Anekore+ muna mongo au a Seyire+ yakuna Ele-parane, ina vana ndambu a makanga. 7 I bosi, bavutukidi, bezidi kuna Ene-misepate, i sia vo, Kadese,+ basundidi e zunga kiawonso kia Aneyamaleke+ ye Aneyamore+ ana bazingilanga kuna Kasasoni-tama.+

8 Muna ntangwa yayina, o ntinu a Sodoma otelamene, kumosi yo ntinu a Ngomora, ntinu a Adema, ntinu a Seboime, ntinu a Bela, i sia vo, Soare, bakutakene vana Ndimb’a Sidimi mu nuana e vita 9 yo Kedolaome wa ntinu a Elame, Tidale wa ntinu a Ngoime, Amerafele wa ntinu a Sina yo Areoke wa ntinu a Elasa+—atinu yá banuene ye atinu tanu. 10 O Ndimb’a Sidimi wazala wakala ye mawulu ma nteke,* ntinu a Sodoma yo ntinu a Ngomora batinini, bavuabamene mûna, ana basidi batinini kuna zunga kia miongo. 11 Atinu yá ana basundidi, babongele mavua mawonso ma Sodoma ye Ngomora yo madia mau mawonso, bele kwau.+ 12 Banete mpe Loti wa mwan’ankazi a Abarama,* ona wazingilanga muna Sodoma,+ kumosi yo mavua mandi, bele kwau.

13 I bosi, muntu mosi ona watina wizidi zayisa kwa Abarama wa Nyibere dina divangamene. Muna kolo kiakina, Abarama wazingilanga* vana nti mianene mia Mamere wa Nyamore,+ wa mpangi a Esekole yo Ane.+ Wantu awaya kangu bakanga yo Abarama. 14 Abarama vava kawidi vo yitu kiandi*+ oneto se mbakami, okutakese wantu andi batoma longwa, 318 dia selo yawutukila muna nzo andi, ubalende yakuna Dani.+ 15 Muna fuku, okayanese makesa mandi, oyandi ye selo yandi banuene yau yo kubafwasakesa. Babalakamene yakuna Koba, ina kuna node ya Damaseke. 16 Abarama obakidi mavua mawonso, obakidi mpe Loti wa yitu kiandi, mavua mandi, akento yo wantu ankaka.

17 Vava Abarama kavutukidi kuna kayenda sundila Kedolaome ye ntinu miakala yandi, o ntinu a Sodoma wele kika Abarama kuna Ndimb’a Save, i sia vo, Ndimb’a Ntinu.+ 18 Mankizedeke+ wa ntinu a Saleme,+ wa ngang’a Nzambi a Mpungu-nene,+ otwese mbolo ye vinyu.

19 Osambwidi Abarama, ovovele vo:

Abarama ovene Mankizedeke tini kia kumi muna lekwa yawonso.+

21 I bosi, ntinu a Sodoma ovovese Abarama vo: “Umpana o wantu, vo i mavua baka kwaku.” 22 Kansi, Abarama ovovese ntinu a Sodoma vo: “Nzangwidi koko kwame muna dia ndofi kwa Yave wa Nzambi a Mpungu-nene, wa Mvangi a zulu yo ntoto, 23 kibonga konso lekwa ko muna lekwa yaku, tuka muna tini kia nsinga yamuna nsing’a nsampatu, walembi vova vo: ‘Mono yavuamisa Abarama.’ 24 Kibonga konso lekwa ko, nanga vo ina badidi kala amatoko. Vo i kunku kia wantu bele yame ntwadi—Ane, Esekole yo Mamere+—, yambula babonga e kunku yau.”