Wanzole wa Paulu Kuna kwa Timoteo

4 Ikanikini vana ndose a Nzambi yo Kristu Yesu, ona ofundisa+ awana bena o moyo ye awana bafwa,+ muna lusengomoko lwandi+ ye Kintinu kiandi:+ 2 Samuna e diambu;+ vanga wo mu nzaki, muna ntangw’ambote ye muna ntangw’ampasi; tumba,+ kanikina, wondelela kuna luzindalalu lwawonso yo umbangu wa longa.+ 3 Kadi e ntangwa ikwiza ina vo wantu ke bezizidila e longi diavimpi* ko,+ kansi mun’owu wa zolela yau, beyikama alongi ana bekubasia mfisi muna matu.*+ 4 Ke betamba matu muna ludi ko, besia e sungididi kiau muna tusansu twaluvunu. 5 Vo i ngeye, lungalala muna mawonso, zizidila e mpasi,+ sala e salu kia kinteleki,* lungisa uselo waku una ufwene.+

6 Kadi iyitilwanga nze lukau lwa ndua,+ ntangw’a luvuluku lwame+ ifinamene. 7 Ndwene vita yambote,+ mbanisi o nkul’ame,+ ntatididi lukwikilu. 8 Tuka owau, ndundilu kolowa kia unsongi,+ kina o Mfumu wa mfundisi ansongi+ kekumpana se nsendo muna lumbu kiakina,+ ke mono kaka ko, kansi awonso ana bazolele lusengomoko lwandi.

9 Vanga mawonso wiza oku ngina, kuzingila ko. 10 Kadi Dema+ umbembwele wau kazolele tandu* kiaki, wele kwandi kuna Tesalonika, Kereseke wele kuna Ngalatia, vo i Tito wele kuna Dalmatia. 11 Luka kaka wina yame. Vitula Maku keza yaku, kadi okunsadisa muna uselo. 12 Vo i Tikiko+ intumini kuna Efeso. 13 Vava okwiza, twasa o nzaka yasisa kwa Kampo kuna Teroa ye nkanda mpe, musungula e ngungu.*

14 Alesandero wa mvangi a lekwa ya nsongo* mpasi zayingi kambwesese. Yave* okunsenda mun’owu wa mavangu mandi.+ 15 Ongeye mpe ofwete kuyikenga muna yandi, kadi kitantu kiangolo kasia muna nsangu zeto.

16 Muna nkumbu antete yakivovela kuna mbazi a nkanu, ke mosi ko wakala yame, yau awonso bambembola—yambula o Nzambi kalembi kubalanda e kunda. 17 Kansi o Mfumu wakala yame yo kunkumika, kimana e nsangu zambote zatoma samunua muna diambu diame, e zula yawonso bawa zo;+ yavuluzwa muna nu’a nkosi.+ 18 O Mfumu okumpuluza muna mavangu mawonso mambi yo kundunda muna Kintinu kiandi kia zulu.+ Kuna kwa yandi nkembo yamu mvu ya mvu. Amen.

19 Vana mavimpi kwa Pereseka yo Akila+ ye esi nzo a Onesiforo.+

20 Eraseto+ kuna Korinto kasala, vo i Terofimo+ kuna Miletu yansisa, wayela kena. 21 Vanga wawonso waluaka vitila e nsungi a sivu.*

Yubulo utumini mavimpi yo Pudi yo Linu yo Kelodia ye mpangi zawonso.

22 Yambula o Mfumu kakala yo mwanda osonganga. E nsambu zandi zakala yaku.