Afundisi

17 Vakedi ye muntu wa musi zunga kia miongo mia Eferaime,+ nkumbu andi Mika. 2 Ovovese kwa ngudi andi vo: “Nga osungamene 1.100 za sekele za palata zina wayiwa yo siba ona wayiya zo? Yawá e sibu kiaku, e palata mono ngina zau. Mono yabonga zo.” O ngudi andi ovovele vo: “Yambula Yave kasambula e mwan’ame.” 3 Vava kavutwidi 1.100 za sekele za palata kwa ngudi andi, ngudi andi ovovele vo: “Vana moko mame ivanina* palata yayi kwa Yave kimana mwan’ame kavangila yo teke kiavalwa ye teke kia sengwa.*+ Owau mvutwidi yo kwa ngeye.”

4 Vava kavutwidi palata kwa ngudi andi, o ngudi andi obongele 200 za sekele za palata, ovene zo kwa mvangi a lekwa ya sengwa. Ovangidi zo e teke kia sengwa* ye teke kiavalwa; e teke yasiwa muna nzo a Mika. 5 Mika wakala ye nzo a zinzambi, wavanga kidukula+ ye teke,*+ otumbikidi* mosi muna wan’andi se nganga.+ 6 Muna lumbu yayina ke mwakala ntinu ko muna Isaele.+ Konso muntu wavanganga dina kamonanga vo diansongi vana meso mandi.+

7 Mwakala toko dimosi dia musi Beteleme+ a Yuda, musi kanda dia Yuda. Nlevi kakala,+ i mûna kazingilanga mu kolo kiayingi. 8 E toko wakatuka muna mbanza, kuna Beteleme a Yuda, wele avavi fulu kia zingila. Ekolo kakedi muna nkangalu, olweke muna zunga kia miongo mia Eferaime, kuna nzo a Mika.+ 9 Mika unyuvuidi vo: “Akweyi otukidi?” Umvutwidi vo: “I Nlevi wa musi Beteleme a Yuda, fulu kina ndenda zingila ivavanga.” 10 Mika umvovese vo: “Kala yame, wakala se* diame ye ngang’ame. Konso mvu ikuvana sekele kumi za palata, mvuatu yo madia.” Ozevo, Nlevi okotele muna nzo. 11 O Nlevi otambulwidi zinga yandi, e toko okedi nga mwan’andi. 12 Vana ntandu, Mika watumbika* Nlevi mu kunsadila se nganga,+ okedi muna nzo a Mika. 13 I bosi Mika ovovele vo: “Owau nzeye wo vo Yave okunsonga mawete, wau vo Nlevi okitukidi se ngang’ame.”