Levitiku

7 “‘Owau i nsiku wa lukau lwa kuzuka:+ Ekiaki lekwa kisundidi o vauka. 2 Bevondela e bulu kia lukau lwa kuzuka vana fulu bevondelanga e bulu ya tukau twangioka, o menga mandi+ mafwete zazwa muna ndambu zawonso za ziku.+ 3 O nganga osunzula mazi mawonso ma bulu+ kumosi yo nkil’a mazi, mazi mefukilanga e ndia, 4 ye nguba zau zole yo mazi mau, oma mena vana ndambu a luketo. Okatula mpe mazi ma kimoyo* kumosi ye nguba.+ 5 O nganga ofutumuna lekwa yayi vana ziku se lukau kwa Yave lwayoka vana tiya.+ Olwalu i lukau lwa kuzuka. 6 Akala awonso bena vo anganga bedia lo,+ lufwete dilwa vana fulu kiavauka. Ekiaki lekwa kisundidi o vauka.+ 7 O nsiku mu kuma kia lukau lwa sumu usadilwa mpe mu kuma kia lukau lwa kuzuka; e mbizi a lukau ikala se ya nganga ona osadidi yo mu lomba luyambulwilu lwa masumu.+

8 “‘Vava o nganga kesunzula lukau lwa ngioka mu kuma kia muntu, o nkand’a bulu+ kia lukau lwa ngioka kisunzwilu ukala se wa nganga.

9 “‘Konso lukau lwa mbwaza luyokelo muna fûlu yovo lulambilu mu nzungu yovo lukangilu va mênga,+ lwa nganga ona osunzwidi lo. Lukala se lwandi.+ 10 Kansi, konso lukau lwa mbwaza lwasangwa o mazi+ yovo lwayuma,+ lukala se lwa wan’amakala awonso a Arone; konso muntu otambula kunku kiafwanana yo nkwandi.

11 “‘Owau i nsiku a kimenga kia ungudi+ kina o muntu kalenda sunzula kwa Yave: 12 Avo ozolele kio sunzula muna vutula matondo,+ osunzula e kimenga kia matondo kumosi ye mbolo zakondwa mfuna zina nze nlunga, zasangwa o mazi, mbolo zakondwa mfuna zakuswa o mazi, mbolo zina nga nlunga zavangilwa muna mfumfu yambote, yatoma sangwa yo niemwa kumosi yo mazi. 13 Osunzula lukau lwau kumosi ye mbolo zina nga nlunga zasiwa e mfuna kumosi ye kimenga kiandi kia ungudi muna vutula matondo. 14 Muna lukau lwalu, oyandi osunzula mbolo imosi-imosi muna konso lukau se kunku kiavauka kwa Yave; e kunku kiaki kikala se kia nganga ozazidi o menga ma yimenga ya ungudi.+ 15 O nsuni a kimenga kiandi kia ungudi muna vutula matondo, ufwete diwa muna lumbu ketambika e yimenga. Kafwete lunda kana ndambu a kimenga kiaki ko yamuna mene.+

16 “‘Avo e kimenga kia lukau lwandi kia nsilu+ yovo lukau lwa mvevo,+ kifwete diwa muna lumbu kasunzwidi e kimenga kiandi, konso kina kisuva kilenda diwa muna lumbu kilanda. 17 Kansi, konso kina kisuva muna nsuni a kimenga muna lumbu kiatatu, kifwete yokwa vana tiya.+ 18 Kansi, avo e ndambu a nsuni a kimenga kiandi kia ungudi idilu muna lumbu kiatatu, o muntu osunzwidi kio ke sambulwa ko kwa Nzambi. Ke kikuntwasila nluta ko; lekwa kiangemi, o muntu odidi e ndambu a kimenga kiokio otumbwa mu kuma kia bi wandi.+ 19 O nsuni uviakanene lekwa kiafunzuka ke ufwete diwa ko. Ufwete yokwa vana tiya. Konso muntu una vo wavelela, olenda kwandi dia o nsuni avelela.

20 “‘Kansi, konso muntu una vo wafunzuka yo dia o nsuni a kimenga kia ungudi, kina vo kia Yave, o muntu ndioyo kafwete vondwa vana vena nkangu andi.+ 21 Avo muntu oviakane lekwa kiafunzuka, kiakala muntu wafunzuka+ yovo bulu kiafunzuka+ yovo konso lekwa kiafunzuka+ yo dia ndambu a nsuni a kimenga kia ungudi, kina vo kia Yave, o muntu ndioyo kafwete vondwa vana vena nkangu andi.’”

22 Yave okwamanene vovesa Mose vo: 23 “Zayisa Aneyisaele vo: ‘Ke nufwete dia mazi ko,+ kana ma ngombe a koko yovo ma mwan’a meme dia koko yovo ma nkombo. 24 O mazi ma bulu kiwanukini kiafwa ye mazi ma bulu kivondelo kwa bulu kiankaka, malenda sadilwa muna konso salu, kansi ke nufwete mo dia nkutu ko.+ 25 Konso muntu odia mazi ma bulu kina kasunzwidi se lukau kwa Yave vana tiya, kafwete vondwa vana vena o nkangu andi.

26 “‘Ke nudie konso menga ko+ muna fulu yeno ina nuzingilanga, kana ma nuni yovo ma bulu. 27 Konso muntu* odia menga ma konso vangwa, kafwete vondwa+ vana vena nkangu andi.’”

28 Yave ovovese Mose vo: 29 “Vovesa Aneyisaele vo: ‘Konso muntu osunzula kimenga kiandi kia ungudi kwa Yave, kafwete twasa e ndambu a kimenga kiokio se lukau kwa Yave.+ 30 Vana moko mandi i ketwasila mazi+ kumosi ye tulu se lukau kwa Yave lwayoka vana tiya, ozunganisa lo kuna ntwala y’oku nima se lukau lwa nzungani+ vana ndose a Yave. 31 O nganga ofutumuna mazi vana ziku,+ kansi e tulu kikala se kia Arone yo wan’andi.+

32 “‘Ovana kwa nganga e tó kialunene kia kulu kia yimenga yaku ya ungudi se kunku kiavauka.+ 33 O mwan’a Arone ona osunzwidi o menga ma yimenga ya ungudi ye mazi, otambula tó kialunene kia kulu se kunku kiandi.+ 34 Kadi e tulu kia lukau lwa nzungani ye tó kia kulu kia kunku kiavauka kia yimenga ya ungudi ya Aneyisaele, mpene yo kwa Arone wa nganga yo wan’andi. Owau nkanikinu wakwele mvu kwa Aneyisaele.+

35 “‘Ekiaki i kunku kibongelo muna lukau kwa Yave lwayoka vana tiya kiavambulwa mu kuma kia anganga, i sia vo, Arone yo wan’andi, tuka muna lumbu kabasunzula mu sadila Yave se anganga.+ 36 Tuka muna lumbu kina kabakusa o mazi, Yave wakanikina vo Aneyisaele babavana e kunku kiaki.+ Owau nkanikinu wakwele mvu muna mbandu zau zawonso.’”

37 Owau i nsiku mu kuma kia lukau lwa ngioka,+ lukau lwa mbwaza,+ lukau lwa sumu,+ lukau lwa kuzuka,+ lukau lwa tumbikila anganga+ ye kimenga kia ungudi,+ 38 wauna o Yave kakanikina Mose vana Mongo a Sinai,+ muna lumbu kina kakanikina Aneyisaele vo basunzula tukau twau kwa Yave muna makanga ma Sinai.+