Wanzole wa Tusansu

3 Solomo oyantikidi tunga nzo a Yave+ muna Yerusaleme vana Mongo a Moria,+ vana Yave kamonekena kwa Davidi wa se diandi,+ vana fulu kina kakubika Davidi, vana bundilu dia Orenane+ wa Nyebuse. 2 Oyantikidi tunga muna lumbu kina kiazole kia ngonde ina yazole ya mvu una wa nyá wa luyalu lwandi. 3 E nkubilwa ina kakuba Solomo muna tunga nzo a Nzambi aludi, yinkoso 60 yakala muna lambuka, yikonso 20 muna sanzuka,+ landila tezelo yankulu.* 4 E veta kiakala kuna ntwala, o lambuka kwandi yinkoso 20, kwafwanana yo lambuka kwa nzo,* o lá kwandi 120;* olengele yo wolo walembi sangwa lekwa muna kati.+ 5 Ofukidi nzo ampwena ye mabaya ma sipelese muna kati, i bosi olengele yo wolo wakenzwa,+ obandwidi mo fwaniswa ya maba+ ye tuvambu.+ 6 Vana ntandu, oviengese nzo ye matadi mantalu mantoko;+ yo wolo+ kasadidi kuna Parevaime watuka. 7 Olengele wolo muna nzo, mvuambu, sumbuka ya mielo, yaka yandi ye yelo yandi;+ obandwidi akelubi muna yaka.+

8 Ovangidi suku dia Fulu Kisundidi o Vauka;*+ o lambuka kwandi kwafwanana yo sanzuka kwa nzo, yinkoso 20, o sanzuka kwandi mpe yinkoso 20. Olengele yo 600 za talanta* za wolo wakenzwa.+ 9 E zitu dia wolo wa nsonso 50 ma sekele;* olengele wolo muna masuku mantandu.

10 Ovangidi e teke yole y’akelubi muna suku dia Fulu Kisundidi o Vauka,* olengele yo wolo.+ 11 E mave m’akelubi,+ yinkoso 20 muna lambuka; e ve dimosi dia nkelubi antete, yinkoso tanu, diviakane e yaka kia nzo, e ve diankaka yinkoso tanu, diviakane e ve dia nkelubi ankaka. 12 E ve dia nkelubi ankaka yinkoso tanu, diviakane e yaka kiankaka kia nzo, e ve diankaka yinkoso tanu, ditotakene ve dia nkelubi antete. 13 E mave m’akelubi awaya mayalumukini yinkoso 20; batelama, e ndose zau zitadidi muna nzo.*

14 Ovangidi mpe rido+ muna nsing’a se kia bule, nsinga mia mika mia se kia nduwa, nsinga mia mbwaki ye lino, obandwidi mo fwaniswa y’akelubi.+

15 Ovangidi vana ntwal’a nzo, malunzi mole+ ma yinkoso 35 muna lá, o ntu vana ntandu a konso lunzi, yinkoso tanu.+ 16 Ovangidi tuvambu nga nlunga, osidi mio vana ntu mia malunzi, ovangidi 100 bundu ya nganata* osidi yo muna tuvambu. 17 Otelamese malunzi vana ntwal’a tempelo, dimosi kuna lunene,* diankaka kuna lumonso;* oyikidi dina dialunene e nkumbu a Yakini,* dina dialumonso, Boaze.*