Mika

5 “Owau ngeye mu kuyilweka una,

E mwan’ankento onuaniswanga;

Oyeto tuzungilu.+

 2 Ongeye, Beteleme Eferata,+

Una vo olutidi okeva muna mafunda* ma Yuda,

Muna ngeye mukumpaikila ndiona oyala muna Isaele,+

E tuku diandi dia nz’ankulu, dia lumbu yankulu.

 3 Ozevo, okubabembola

Yamuna ntangwa ina o nkento wina yo lukau kewuta.

 4 Otelama, kavungulwila e kambi muna nkum’a Yave,+

Muna nene wa nkumbu a Yave wa Nzambi andi.

Bezingila muna luvuvamu,+

Kadi o nene wandi ulwaka yakuna nsuk’a nza.+

Avo Nsuri okotele mu nsi eto yo diatakesa nzo zeto zangolo,+

Tutelamesa avungudi nsambwadi, elo, akuluntu* nana a nkangu.

 6 Bevungula e nsi ya Asuri muna nsosolo,+

Ye nsi a Nimerode+ muna nkotelo zandi.

Okutuvuluza vana moko ma Nsuri,+

Vava kekota muna nsi eto yo diatakesa e zunga kieto.

 7 Ana basala muna Yakobo bekala vana kati kwa nkangu miayingi

Nze lowa ditukidi kwa Yave,

Nze mvula zayingi vana titi

Ke zina mu wisa kia muntu ko

Ngatu vingila muna wan’a wantu.

 8 Awana basala muna Yakobo bekala vana vena zula,

Vana kati kwa nkangu miayingi,

Nze nkosi vana vena e bulu ya mfinda,

Nze mwan’a nkosi* muna makambi ma mameme,

Ovioka, obaka yo tiazuna;

Ke vena ona okubavuluza ko.

 9 E koko kwaku kutelamena atantu aku,

E mbeni zaku zawonso zifwaswa.”

10 “Muna lumbu kiakina,” u kavovele o Yave,

“Ifwasa mvalu mieno vana kati kweno ye makalu meno ma vita.

11 Ifwasa mbanza za nsi eno

Yo bwisa mbanza zeno zawonso zangolo.

12 Isukisa mavangu meno ma kindoki nuvanganga,*

Ke vekala diaka nganga za nkisi ko vovo nuina.+

13 Ifwasa teke yeno yavalwa ye malunzi vana kati kweno,

Ke nufukamena diaka vangwa ya moko meno ko.+

14 Ivuza mavindi meno mavauka*+ ova kati kweno

Yo fwasa emvimba e mbanza zeno.

15 Muna nsita ye makasi ilandila e kunda

E zula ina yalembi kundemvokela.”