Ngana

16 O muntu okubikanga makani ma ntim’andi,*

Kansi e mvutu* kevananga kwa Yave zitukanga.+

 2 E nzila zawonso za muntu zambote* vana meso mandi,+

Kansi, Yave ofimpanga makani.*+

 3 Bunda Yave e vuvu muna mawonso ovanganga,*+

E makani maku mesikila.

 4 Yave ovanganga mawonso mu kuma kia kani diandi,

Kana nkutu yimpumbulu muna lumbu kia lufwasu.+

 6 Muna walakazi ye ziku, e sumu dilolokwanga,+

Muna vumi wa Yave muntu ovengomokanga muna mbi.+

 7 Avo Yave oyangalele nzil’a muntu,

Oyambulanga nkutu mbeni zandi bakadilanga yandi kuna luvuvamu.+

 8 Disundidi o wete mu kala ye fiakete muna unsongi+

Ke mu kala ye mfutu ayingi ko yo kondwa kwa unsongi.+

 9 Muntu olenda sikidisa nzila muna ntim’andi,

Kansi Yave ofilanga ntambi zandi.+

10 E nzengo za Nzambi zifwete kala muna befo ya ntinu;+

Kafwete teka unsongi ko.+

11 E balanza ye tezelwa kiansongi, kwa Yave yatuka;

Nkutu zawonso za tezela mazitu i mavangu mandi.+

12 Mavangu mambi mangemi kuna kwa atinu,+

Kadi muna unsongi i musikidisilwa e kunda.+

14 Makasi ma ntinu mena nze nati a nsangu za lufwa,+

Kansi nkwa ngangu olembeka* mo.+

15 Muna ntemo a ndose a ntinu i mwina o moyo;

E dienga diandi dina nze tuti dia mvula za kintombo.+

18 Vitila muntu kabwa, lulendo luvitanga,

O mwand’a umvuania uvitanga e sakuba.+

19 Diambote mukala nlembami* vana vena alembami+

Ke mu kayana sanzu ko y’akwa lulendo.

20 Ndiona osadilanga umbakuzi muna konso diambu, sikila kesikila,*

Nkwa kiese ndiona osianga e vuvu muna Yave.

21 O nkwa ntim’a ngangu oyikilwanga vo nkwa umbakuzi,+

Nkwa mvovo mia ngemba* olutidi kwikidisa.+

22 E ngangu i nto a moyo kw’awana bavuidi zo,

Kansi mazowa belongelwanga muna uzowa wau.

23 O ntima wa nkwa ngangu uvananga ngangu muna nu’andi+

Yo kudikila malengo muna mvovo miandi.

24 E mvovo miambote mina nze sasala kia wiki,

Nzenzo a moyo* yo vimpi muna visi.+

25 Vena ye nzila imonekanga kwa muntu vo yambote,

Kansi e mbaninu andi i lufwa.+

26 E nsatu za nsadi zikumfilanga mu funtuka

Kadi e nzala* zikumfilanga mu vanga wo.+

27 E fwafwala kia muntu osenzekanga diambu diambi;+

E mvovo miandi mina nze tiya twanyuyi.+

28 Nkwa ntantani ngwizani kefwasanga,+

O nkumbi, akundi akola kevambulanga.+

29 O nkwa nsoki nkwandi kevukumunanga

Yo kunata muna nzila yambi.

31 E mvu i kolow’ambote*+

Avo ziwanukini muna nzil’a unsongi.+

32 Ndiona olembi funganga makasi mu nzaki,+ osundidi e kesa,

Ndiona ozeye kukiyala osundidi ndiona obakidi e mbanza.+

33 E nkas’a mienze mu nkata itubwanga,+

Kansi e nzengo zandi zawonso za Yave.+