Kimpovi

5 Kenga e ntambi zaku konso ntangwa okwenda kuna nzo a Nzambi aludi;+ diambote wafinama mu wá+ ke mu kela kimenga ko nze una uvanganga mazowa,+ kadi ke bazeye wo ko vo dina bevanganga diambi.

2 Kukadi ye nzaki za ziula nu’aku ko, ngatu yambula vo ntim’aku wavova vana ndose a Nzambi aludi lembi yindula,+ kadi Nzambi aludi kuna zulu kekalanga kansi ongeye ova ntoto wina. Kiaki i kuma e mvovo miaku mifwete kadila miandwelo.+ 3 Kadi e ntokani zayingi i zitwasanga e ndozi,+ muna mvovo miayingi i mutukanga e mpov’a uzowa.+ 4 Konso ntangwa o sia nsilu kwa Nzambi, kuzingila ko muna wo lungisa,+ kadi Nzambi ke yangalelanga mazowa ko.+ Dina osididi o nsilu, lungisa dio.+ 5 Diambote walembi sia nsilu, ke mu sia nsilu ko yo lembi wo lungisa.+ 6 Kuyambula ko vo nu’aku wafila* mu sumuka,+ kuvovi vana ndose a mbasi* ko vo mpilakanu kwandi.+ Ekuma ofungisila Nzambi aludi makasi muna dina ovova kimana kafwasa e salu kia moko maku?+ 7 Kadi, wauna e ntokani zayingi zitwasilanga e ndozi,+ i una mpe e mvovo miayingi mitwasilanga o mambu mampavala. Kansi, vumina Nzambi aludi.+

8 Avo omwene lubangamu lwa nsukami ye mbendomonu’a unsongi ye ziku muna mvivu aku, kusivika dio ko.+ Kadi ndiona wina ye wisa otalwanga kwa ndiona unsundidi e wisa, vena mpe ye akaka ana babasundidi e wisa.

9 Ye mpe, e mbongo a ntoto ikayaneswanga kwa yau awonso; kana nkutu i ntinu, ovewanga ina itukanga muna mpatu.+

10 O nzodi a palata ke singa yukuta palata ko, o nzodi a kimvuama ke singa yukuta nluta miandi ko.+ Ediadi mpe i mpavala kwandi.+

11 Vava lekwa yambote iwokelanga, awana bedianga yo mpe bewokelanga.+ Nkia nluta kebaka ndiona ovuidi yo, avo ke tungununa yo kaka muna meso mandi?+

12 O tulu twa nsadi twanzenzo, kiakala kiayingi yovo kiakete kadidi, kansi e kimvuama kia mvuama ke kikunlekesanga tulu ko.

13 Vena ye sumbula* mbwene oku nsi a ntangwa: o mavua melundwanga muna wokesa e mpasi za ndiona ovuidi mo. 14 Mavua momo mavididi mu kuma kia diambu diambi dibwidi,* vava kawutidi o mwana, kasidi diaka ye lekwa ko.+

15 Wauna o muntu kevaikilanga e nkonga muna vumu kia ngudi andi, diau dimosi vava kefwanga.+ Kalendi nata konso lekwa ko muna salu yandi yawonso yangolo.+

16 Ekiaki mpe sumbula kiampwena: Wauna o muntu kekwizilanga, i una mpe kekwendelanga; nkia nluta kevua o muntu osalanga kwayingi muna landa e tembwa?+ 17 Ye mpe, lumbu yawonso mu tombe kedilanga, mu ntokani zayingi, mayela yo makasi.+

18 Edi mbwene vo i diambote yo wete: o muntu kadia yo nua yo mona e kiese kia salu yandi yawonso yangolo+ ina kefuntukinanga oku nsi a ntangwa muna lumbu yakete ya zingu kiandi ina Nzambi aludi kamvene, kadi owau i mfutu andi.*+ 19 Ye mpe, vava Nzambi aludi kevananga muntu umvuama+ ye ngangu za mwena wo e kiese, kafwete tambula o mfutu andi* yo yangalela e salu kiandi kiangolo. Olwalu i lukau lwa Nzambi.+ 20 Kadi ke tokana kwayingi* ko muna lumbu ya zingu kiandi eyi iviokanga nzaki, wau vo Nzambi aludi ozadisi o ntim’andi ye kiese.+