Yesaya

7 Muna lumbu ya Akazi+ wa mwan’a Yotame wa mwan’a Uziya, wa ntinu a Yuda, o Resine wa Ntinu a Suria yo Pekake+ wa mwan’a Remaleya wa ntinu a Isaele, batombokele mu nuanisa Yerusaleme, kansi ke balendele* yo kutumuna ko.+ 2 Disamwinu kwa nzo a Davidi, oku vo: “E Suria iyikamene Eferaime.”

O ntim’a Akazi yo ntim’a nkangu andi uyantikidi zakama, wauna e nti mia mfinda minikunuinuanga kwa tembwa.

3 I bosi, Yave ovovese Yesaya vo: “Dodokolo, vaika wenda wanana yo Akazi, ongeye yo mwan’aku Sa-yasubi,*+ kuna nsuka mvuila utukanga kuna zinga kia ntandu,+ vana ndambu a nzil’ampwena ya mpatu a nsukudi a mvuatu. 4 Ofwete kumvovesa vo: ‘Vuvama. Kumoni wonga ko, kuzakami ntima ko mu kuma kia sinza yole ya nkuni ifwitanga o mwisi, mu kuma kia makasi masaka ma Resine yo Suria yo mwan’a Remaleya. + 5 Kadi o Suria yo Eferaime yo mwan’a Remaleya bakanini kuvanga e mbi, oku vo: 6 “Yambula twatomboka mu nuanisa e Yuda yo zengonona yo tini-tini,* twakutumuna yo,* twatumbika mwan’a Tabele se ntinu andi.”+

7 “‘I wau wuwu kavovele o Mfumu Yave:

10 Yave okwamanene vovesa Akazi vo: 11 “Lomba e sinsu kwa Yave wa Nzambi aku;+ kana nkutu vo kiatoma kuluka nga Ziami* yovo kiatoma zanguka nga matuti.” 12 Kansi, o Akazi ovutwidi vo: “Kilomba sinsu ko, ngatu tonta Yave.”

13 I bosi, Yesaya ovovele vo: “Dodokolo nuwá, e nzo a Davidi. Nga ke diafwana ko edi diatonta luzindalalu lwa wantu? Nga nufwete tonta mpe luzindalalu lwa Nzambi?+ 14 Ozevo, Yave yandi kibeni okunuvana e sinsu: Tala! O mwan’a nkento* oyimita ye owuta mwan’a yakala,+ okumvana e nkumbu vo Imanuele.*+ 15 Manteka kaka yo wiki kekala dia muna ntangwa kezaya bembola o bi yo sola e mbote. 16 Kadi vitila o nleke kazaya bembola o bi yo sola e mbote, e nsi ya atinu wole ana omwenanga o wonga isala emvimba e nkatu.+ 17 Yave oyambula vo ngeye yo nkangu aku ye nzo a se diaku nuazingila mu ntangw’a mpasi ina ke isidi kala nkutu ko tuka muna lumbu kina Eferaime kavambuka Yuda,+ kadi Oyandi otwasa o ntinu a Asuri.+

18 “Muna lumbu kiakina, Yave osika mumpiozi mu bokela e mbwanzi tuka kuna ndimba miandá mia nzadi a Nile ya Engipito yo bokela e mbwingina tuka kuna Asuri, 19 yau awonso bekwiza yo bela muna ndimba mia lunengenenge, muna nduka mia matadi, muna mvanga miawonso ye muna manuinu mawonso ma maza.

20 “Muna lumbu kiakina, muna mbele a vuayi* yamfutila ituka kuna zunga kia Nzadi,* i sia vo, muna ntinu a Asuri,+ Yave ovala o ntu ye mika mia malu, e mbele ivala mpe e nzevo.

21 “Muna lumbu kiakina, o muntu ovukisa mwan’a ngombe muna kambi ye mameme mole. 22 Mu kuma kia ulolo wa kimvumina, o muntu odia manteka, kadi yau awonso besala muna nsi manteka yo wiki bedia.

23 “Muna lumbu kiakina, konso fulu kiakala ye 1.000 dia nsinga mia vinyu emi miafwanga 1.000 dia sekele za palata, mvanga ye nkeka za mfinda kaka zikala vo. 24 O wantu bekwenda vo ye mfumba ye nzanza, kadi e nsi yawonso izala ye mvanga ye nkeka za mfinda. 25 E miongo miawonso miavatwanga muna nsengo, kulenda mio diaka finama ko mu kuma kia wonga wa mvanga ye nkeka za mfinda; mikituka se fulu kia dikidila ngombe ye ntoto udiatakeswanga kwa mameme.”