Nkunga

Kadi diambote dia yimbidila Nzambi eto;

Diawete ye difwanukini muna kunkembelela!+

 2 Yave otunga Yerusaleme;+

Okutakesa nkangu a Isaele wamwangana.+

 3 Osasulanga awana babudikwa e ntima;

Owukanga mputa zau.

 4 Ozeye lutangu lwa ntetembwa;

Oyikilanga zawonso muna nkumbu.+

 5 O Mfumu eto wanene, osundidi o nkuma;+

Umbakuzi wandi ke una ye tezo ko.+

 6 Yave otelamesa alembami,+

Vo i yimbumpulu okubabwisa vana ntoto.

 7 Nuyimbidila Yave yo matondo;

Nuyimbidila Nzambi eto muna kokolo,

 8 Ona ofukanga e zulu yo matuti,

Ona onokesanga e mvula ova ntoto,+

Yo menesa e titi+ muna miongo.

 9 Ovananga madia kwa bulu,+

Kwa wan’a ngono-ngono ana bekienganga ye nzala.+

10 Ke yangalelanga ngolo za mvalu ko;+

Ngatu sivika malu mangolo ma muntu.+

11 Yave oyangalelanga ana bekumvuminanga,+

Ana bebundanga walakazi wandi e vuvu.+

13 Osiamisa e mbindi za mavitu ma mbanz’aku;

Osambula wan’aku bena yaku.

14 Otwasa luvuvamu muna mvivu aku;+

Okuyukutisila muna wiki* isundidi o wete.+

15 Otwikidi nkanikinu andi ova ntoto;

E mvovo andi nzaki ukwendanga.

16 Onokesanga e mvul’a mpembe nze vusu;+

Omwanganesanga dime diakangama mu kuma kia kiozi nze ntoto ampolo.+

19 Ozayisi diambu diandi kwa Yakobo,

E mîna ye nzengo zandi kwa Isaele.+

20 Kavangidi wo kwa konso zula ko;+

Ke bazeye oma ma nzengo zandi ko.