Nga e Mpasi Zisinga Fokoka?

“Nzambi . . . okunguna mansanga mawonso muna meso mau, o lufwa ke lukala diaka ko, ngatu kala diaka dilu, yovo kazu ngatu mpasi.”​—Lusengomono 21:3, 4, Nsekola ya Nz’ampa.

O kala ye ziku vo ke Nzambi ko otwasanga e mpasi zeto.​—Yakobo 1:13.

O fiaulwiswa mu zaya vo Nzambi otokanenanga e mpasi zeto.​—Zakariya 2:8.

O kala ye vuvu mu zaya vo mpasi zawonso zisinga fokoka.​—Nkunga 37:9-11.

Elo, kadi vena ye kuma yole yamfunu:

•  Nzambi omenganga o bi ye nsoki. Yindula una Yave wa Nzambi kamona vava nkangu andi kuna nz’ankulu wabangikwanga. Bibila kivovanga vo Nzambi wamonanga e nkenda “vava bababangikanga.”​—Afundisi 2:18, Nsekola ya Nz’ampa.

  Nzambi omenganga awana bebangikanga ankaka. Kasikil’owu, Bibila kivovanga vo omenganga “moko mebungulanga menga ma munkondwa-kuma.”—Ngana 6:16, 17.

•  Nzambi ovuanga konso muntu mu yeto o mfunu. Kanele vo muntu yandi kibeni ozeye ‘vuku ye mpasi zandi,’ Yave mpe ozeye zo.—2 Tusansu 6:29, 30.

  Ke kolo ko, Yave ofokola e mpasi za konso muntu muna Kintinu kiandi. (Matai 6:9, 10) Muna kolo kiakina, Yave ofiaulwisa awonso bekumvavanga ye ziku kiawonso.—Mavangu 17:27; 2 Korinto 1:3, 4.