PWONY ME 02
Baibul Mio Gen
I lobo-ni jo apol tye a kanyo pekki ame kelo cwercuny, par, kede arem. Anaka ni koŋ ibeo i kodi kwo ame oweki iwinyo kitti? Twero bedo ni itye i kanyo peko pi lit kom, nyo irwenyo danoni me amara i to. Itwero penyere ni, ‘Kwo adoko aber awene?’ Baibul mio agam ame itwero genno pi apeny man.
1. Baibul miowa gen aŋo pi anyim?
Baibul pe tito piŋo lobo opoŋ kede pekki keken ento daŋ tye kede amut aber ni pekki magi tye pi kare anonokkoro keken dok bino gik oko. Cikere me Baibul twero ‘miyowa gen pi anyim aber.’ (Kwan Jeremia 29:11, 12.) Cikere magi konyowa me kanyo pekki me kare-ni, bedo kede neno ame tye atir, kede nwoŋo yomcuny ame rii.
2. Baibul kobo i kom kit anyim aŋo?
Baibul kobo ni i anyim “to doŋ bino bedo pe, kadi kumo onyo koko, onyo rem.” (Kwan Nyut a Lakana 21:4.) Pekki ame weko dano bedo aboŋo gen i kare-ni—calo can, ŋolo kop aleŋa, two, kede to—mom doŋ bino bedo tye. Cikere me Baibul tye ni dano bino nwoŋo mit a kwo i paradic i lobo kan pi naka.
3. Itwero doŋo genni i kom cikere me Baibul niŋo?
Jo apol geno ni jami abeco bino timere, ento dok okalo akala ka gengi bino cobere. Cikere me Baibul dok pat. Wan otwero jiŋo genwa i kom gin ame kobo ka ‘omoo i coc ayam ocoo.’ (Tic Okwena 17:11.) Ka imedde kede kwano Baibul, ibino moko piri keni ŋo ame kobo i kom anyim.
NWOŊ ŊEC ATUT
Nen koŋ kit kwo ame Baibul ociko pi anyim. Nen kit ame gen ame Baibul mio tye a konyo kede jo i kare-ni.
4. Baibul mio gen me kwo aboŋo pekki kede roc pi naka
Nen koŋ cikere magi ame nwoŋere i Baibul. Mene ame gudo cunyi? Piŋo?
Kwan ginacoa i ŋet cikere magi eka ite nyamo wunu apenye magi:
Itamo ni tyeŋe magi twero konyi? Itamo ni twero konyo jo paconi kede owoteni daŋ?
Go koŋ kwo i lobo ame
ŊATTORO MOM BINO . . . |
JO LUŊ BINO . . . |
|---|---|
|
|
|
|
|
|
|
|
|
|
5. Gen ame Baibul mio kelo alokaloka
Pol a jo cunygi tur dok obedo kede akemo pi pekki ame orumogi. Mogo temo lweny alwenya me yiko jami wek dok aber. Nen kit ame cikere me Baibul ni jami bino doko aber konyo kede jo i kare-ni. Tuk VIDEO, eka ite nyamo wunu apenye ame lubo.
I video man, tim arac aŋo ame onwoŋo cwero cuny Rafika?
Kadi bed tim me apokapoka ame en obedo neno pe orweny, Baibul okonye niŋo iye?
Gen ame Baibul mio pi anyim twero konyowa me lweny i turcuny kun ogwoko yomcunywa kadi peko tye. Kwan Carokop 17:22 kede Jo Roma 12:12, eka ite nyamo wunu apenye magi:
Itamo ni kwena me gen ame tye i Baibul twero loko kwoni i kare-ni? Piŋo?
JO MOGO KOBO NI: “Cikere me Baibul ber gire won, ento akwia ka acobere.”
Piŋo pire tek me yin i ŋeyo anyut ame moko cobere mere?
WIE WIE
Baibul miowa gen ame konyowa me lweny kede pekkiwa i kare-ni kun ciko pi anyim ame opoŋ kede yomcuny.
Lodo pwony
Piŋo mitte ni jo ŋe cikere Obaŋa pi anyim?
Baibul kobo ŋo i kom anyim?
Bedo kede gen pi anyim twero konyi niŋo i kare-ni?
KWEDI
Pwony kit ame gen twero konyi kede ka itye i peko.
“Gen—Itwero Nwoŋo i kwene?” (Kii Piny!, Nino Dwe 22, Dwe me Aŋwen, 2004)
Mok kit ame gen pi anyim twero konyo kede jo ame tye alweny kede two ame mom caŋ.
“Kwo kede Two ame Mom Caŋ—Baibul Twero Konyo Iye?” (Nwoŋere i jw.org)
Ka itye i neno video me wer man, go ni yin karacel i jo me paconi itye i nwoŋo wunu mit a kwo i Paradic ame Baibul ociko pire i anyim.
Kwan kit ame kwo a lo moro ame lwenyo pi twero a lwak olokere kede i ŋe pwonyo cikere me Baibul pi anyim.