27 “‘Omuntu yenna bw’anaayonoonanga mu butali bugenderevu, anaaleetanga embuzi enkazi etasussa mwaka gumu, okuba ekiweebwayo olw’ekibi.+ 28 Kabona anaatangiriranga omuntu eyakola ensobi n’ayonoona mu butali bugenderevu mu maaso ga Yakuwa, ekibi kye kisobole okutangirirwa era kinaamusonyiyibwanga.+ 29 Eri Omuyisirayiri n’eri omugwira atuula mu bo, wanaabangawo etteeka limu gye muli ku bikwata ku kwonoona mu butali bugenderevu.+