10 Mu kisenge ky’Awasinga Obutukuvu* yakolamu ebifaananyi bya bakerubi bibiri n’abibikkako zzaabu.+ 11 Ebiwaawaatiro bya bakerubi+ byonna awamu byali emikono 20 obuwanvu; ekiwaawaatiro kya kerubi omu kyali kiweza emikono etaano nga kituuka ku kisenge ky’ennyumba, ate ekiwaawaatiro kye ekirala kyali kiweza emikono etaano nga kituuka ku kiwaawaatiro kya kerubi omulala. 12 Ekiwaawaatiro kya kerubi omulala kyali kiweza emikono etaano nga kituuka ku kisenge ky’ennyumba, ate ekiwaawaatiro kye ekirala kyali kiweza emikono etaano nga kituuka ku kiwaawaatiro kya kerubi omulala. 13 Ebiwaawaatiro bya bakerubi byali byanjuluziddwa, nga biweza emikono 20; baali bayimiridde nga batunudde Awatukuvu.

8 Bakerubi baali banjululizza ebiwaawaatiro byabwe waggulu w’ekifo Essanduuko we yali, ne kiba nti baali babikkiridde Essanduuko n’emisituliro gyayo.+