31 Kabaka yali akyayogera, eddoboozi ne liva mu ggulu ne ligamba nti: “Wulira ggwe Kabaka Nebukadduneeza, ‘Obwakabaka bukuggiddwako,+ 32 era ogenda kugobebwa mu bantu, obeerenga wamu n’ensolo ez’omu nsiko. Ogenda kulyanga muddo ng’ente, era ebiseera musanvu bigenda kukuyitako, okutuusa lw’olimanya nti Oyo Asingayo Okuba Waggulu y’Afuga mu bwakabaka bw’abantu, era nti abuwa oyo yenna gw’ayagala.’”+

33 Mu kiseera ekyo ebigambo ebyo ne bituukirira ku Nebukadduneeza. Yagobebwa mu bantu n’atandika okulyanga omuddo ng’ente, era omusulo ogw’omu ggulu ne gutobyanga omubiri gwe, enviiri ze ne zikula okwenkana ebyoya by’empungu, n’enjala ze ne ziwanvuwa ng’ez’ebinyonyi.+