Zabbuli

127 Yakuwa bw’atazimba nnyumba,

Abagizimba bateganira bwereere.+

Yakuwa bw’atakuuma kibuga,+

Omukuumi ateganira bwereere okusigala ng’atunula.

 2 Mutawaanira bwereere okuzuukuka ku makya ennyo,

Okusigala nga mutunula okutuusa amatumbibudde,

Era n’okutegana okufuna emmere,

Kubanga abo b’ayagala abawa emmere era n’abawa n’otulo.+

 3 Laba! Abaana busika okuva eri Yakuwa;+

Ekibala ky’olubuto mpeera okuva gy’ali.+

 4 Ng’obusaale bwe buba mu mukono gw’omuzira,

Abaana omuntu b’azaala mu buvubuka nabo bwe baba.+

Tebaliswala,

Kubanga balyogera n’abalabe mu mulyango gw’ekibuga.