1 Ntango

14 Mpe Hirame+ mokonzi ya Tire+ atindelaki Davidi bamemi-nsango, banzete ya sɛdrɛ,+ mpe bato oyo batongaka bifelo ná bato ya misala ya banzete mpo na kotongela ye ndako.+ 2 Bongo Davidi ayaki koyeba ete Yehova apiki ye makasi+ lokola mokonzi ya Yisraele, mpo bokonzi na ye etombwamaki mpenza mpo na bato na ye Yisraele.+

3 Mpe Davidi azwaki basi+ mingi lisusu na Yerusaleme, mpe Davidi abotaki lisusu bana mingi ya mibali mpe ya basi. + 4 Mpe talá bankombo ya bana oyo abotaki na Yerusaleme: Shamua,+ Shobabe,+ Natane+ ná Salomo,+ 5 Yibare,+ Elishua, Elepelete,+ 6 Noga, Nefege+ ná Yafia, 7 Elishama,+ Beeliada ná Elifelete.+

8 Bongo Bafilistia bayokaki ete Davidi atyami mafuta mpo azala mokonzi ya Yisraele mobimba.+ Na yango, Bafilistia nyonso bamataki mpo na koluka Davidi.+ Ntango Davidi ayokaki yango, abimaki kobunda na bango. 9 Nde Bafilistia bayaki mpe bazalaki kokɔtakɔta mpo na etumba na lobwaku ya patatalu ya Barefaime.+ 10 Mpe Davidi atunaki Nzambe+ boye: “Namata kobunda na Bafilistia, mpe okopesa bango mpenza na lobɔkɔ na ngai?” Na yango, Yehova alobaki na ye ete: “Matá, mpe nakopesa mpenza bango na lobɔkɔ na yo.” 11 Bongo Davidi amataki na Baala-perazime+ mpe Davidi abomaki bango kuna. Na yango, Davidi alobaki boye: “Nzambe ya solo asaleli lobɔkɔ na ngai mpo na kopasola nzela epai ya banguna na ngai lokola nzela oyo mai epasoli.” Yango wana bapesaki esika+ yango nkombo Baala-perazime. 12 Na yango, batikaki banzambe na bango kuna.+ Bongo Davidi apesaki etinda, mpe batumbaki yango na mɔtɔ.+

13 Na nsima, Bafilistia bakɔtaki lisusu mpo na etumba na lobwaku ya patatalu.+ 14 Na yango, Davidi atunaki+ lisusu Nzambe, mpe Nzambe ya solo alobaki na ye sikoyo boye: “Osengeli komata na nsima na bango te. Baluká, kokende mbala moko epai na bango te, bongo yelá mpenza bango liboso ya mwa banzete ya baka.+ 15 Bongo esalema boye: ntango okoyoka makɛlɛlɛ ya makolo ya bato bazali kotambola na bansɔngɛ ya mwa banzete ya baka,+ yo bimá mpo na etumba,+ mpamba te na ntango yango Nzambe ya solo akobima liboso na yo+ mpo na koboma kaa ya Bafilistia.” 16 Na yango, Davidi asalaki ndenge Nzambe ya solo apesaki ye mitindo,+ mpe babomaki kaa ya Bafilistia banda na Gibeone+ tii na Gezere.+ 17 Mpe lokumu+ ya Davidi ebandaki kobima mpe kokende na mikili nyonso, mpe Yehova atyaki nsɔmɔ na ye likoló ya bikólo nyonso.+