Nehemia

1 Maloba ya Nehemia+ mwana ya Hakalia: Sikoyo esalemaki boye: na sanza ya Kisleve,+ na mbula ya ntuku mibale (20),+ nazalaki na Shushane+ ndako monene. 2 Bongo Hanani,+ moko ya bandeko na ngai, akɔtaki, ye ná mibali mosusu ya Yuda, mpe natunaki+ bango nsango ya Bayuda,+ baoyo babikaki,+ bakangami+ oyo batikalaki mpe bazongaki na mboka, mpe lisusu nsango ya Yerusaleme. 3 Na yango, balobaki na ngai ete: “Bato oyo batikali, bakangami oyo batikalaki mpe bazongaki kuna na etúká oyo eyangelami,+ bazali na mpasi+ mpenza mpe na nsɔni;+ mpe efelo+ ya Yerusaleme ebukani, mpe baporte+ na yango mpenza etumbami na mɔtɔ.”

4 Mpe esalemaki boye: ntango kaka nayoki maloba wana, nafandi mpe nabandi kolela mpe koyoka mawa mikolo mingi, mpe nazalaki ntango nyonso kokila bilei+ mpe kobondela Nzambe ya likoló.+ 5 Mpe nalobaki lisusu ete: “Aa, Yehova, Nzambe ya likoló, Nzambe monene mpe ya nsɔmɔ,+ oyo abatelaka kondimana+ mpe motema boboto epai ya baoyo balingaka ye+ mpe batosaka mitindo na ye,+ 6 nabondeli yo, tiká litoi na yo etya likebi+ mpe miso na yo efungwama, mpo oyoka libondeli ya mosaleli na yo,+ oyo nazali kobondela yo lelo, butu moi,+ mpo na bana ya Yisraele basaleli na yo, wana nazali koyambola+ masumu+ ya bana ya Yisraele, oyo tosaleli yo. Tosali lisumu, ngai ná ndako ya tata na ngai.+ 7 Ya solo mpenza, tosaleli yo makambo na ndenge ya mabe+ mpe tobateli te mitindo,+ malako+ ná bikateli ya lisambisi+ oyo opesaki Moize mosaleli na yo.+

8 “Nabondeli yo, kanisá+ liloba oyo opesaki Moize mosaleli na yo mitindo ete: ‘Soki bino, ɛɛ bino, bozangi bosembo, ngai, ɛɛ ngai, nakopalanganisa bino na kati ya bato ya bikólo.+ 9 Ntango bokozongela ngai+ mpe bokobatela mitindo+ na ngai mpe bokosalela yango,+ ata soki bato na bino oyo bapalangani bakómi kino na nsuka ya likoló, longwa kuna nakoyanganisa+ bango mpe nakoya na bango+ mpenza na esika oyo naponi mpo na kofandisa nkombo na ngai wana.’+ 10 Mpe bazali basaleli na yo+ mpe bato na yo,+ oyo osikolaki na nguya na yo monene+ mpe na nguya ya lobɔkɔ na yo.+ 11 Aa, Yehova, nabondeli yo, tiká litoi na yo etya likebi na libondeli ya mosaleli na yo mpe na libondeli+ ya basaleli na yo oyo basepelaka kobanga nkombo na yo;+ mpe, nabondeli yo, pesá mosaleli na yo elonga lelo+ mpe salá ete ye azala moto ya koyokela mawa liboso ya mobali oyo.”+

Nzokande nazalaki mopesi-masanga+ ya mokonzi.