Nzembo

29 Bópesa Yehova lokumu, Ee bino bana ya bato ya makasi,

Bópesa Yehova nkembo mpe bóndima bokasi na ye.+

 2 Bópesa Yehova nkembo oyo ebongi na nkombo na ye.+

Bógumbamela Yehova na bilamba ya monzɛlɛ ya bosantu.+

 3 Mongongo ya Yehova ezali likoló ya mai;+

Nzambe ya nkembo+ ye moko angulumi lokola nkake.+

Yehova azali likoló ya mai mingi.+

 4 Mongongo ya Yehova ezali na nguya;+

Mongongo ya Yehova ezali na lokumu.+

 5 Mongongo ya Yehova ezali kobuka banzete ya sɛdrɛ;

Ɛɛ, Yehova azali kobukabuka banzete ya sɛdrɛ ya Libá,+

 6 Mpe azali kopumbwisa yango lokola mwana-ngɔmbɛ,+

Libá ná Sirione+ lokola bana ya ngɔmbɛ-mibali ya zamba.

 8 Mongongo ya Yehova ezali koningisa esobe,+

Yehova azali koningisa esobe ya Kadeshe.+

 9 Mongongo ya Yehova ezali koningisa banyama ebengami bishe na mpasi ya kobota+

Mpe ezali kotika bazamba polele.+

Mpe na tempelo na ye, moto na moto azali koloba ete: “Nkembo!”+

10 Yehova afandi likoló ya mpela;+

Mpe afandi mokonzi seko na seko.+

11 Yehova ye moko akopesa bato na ye makasi.+

Yehova ye moko akopambola bato na ye bázala na kimya.+