Yosua

19 Na nsima, libula+ ya mibale ebimaki, ezalaki mpo na Simeone, mpo na libota ya bana ya Simeone,+ na kolanda mabota na bango. Mpe libula na bango ezalaki na kati ya libula ya bana ya Yuda.+ 2 Mpe, na kati ya libula na bango, bazwaki Beere-sheba+ ná Sheba, ná Molada,+ 3 Hazare-shuale,+ Bala ná Ezeme,+ 4 Eletolade,+ Betule ná Horoma, 5 Ziklage,+ Bete-marakabote ná Hazare-susa,+ 6 Bete-lebaote+ ná Sharuhene; bingumba zomi na misato mpe bamboka na yango. 7 Aine,+ Rimone,+ Etere ná Ashane;+ bingumba minei mpe bamboka na yango, 8 mpe bamboka nyonso ya mike ya zingazinga ya bingumba yango tii na Baalate-beere,+ Rama+ ya sudi. Wana nde libula ya libota ya bana ya Simeone, na kolanda mabota na bango. 9 Libula ya bana ya Simeone eutaki na eteni ya mokili ya bana ya Yuda, mpamba te eteni ya bana ya Yuda elekaki monene mpo na bango.+ Yango wana bana ya Simeone bazwaki mokili na kati ya libula na bango.+

10 Na nsima, libula+ ya misato ebimaki, ezalaki mpo na bana ya Zebulone,+ na kolanda mabota na bango, mpe ndelo ya libula na bango ekendaki tii na Saride. 11 Mpe ndelo na bango emataki lisusu na ngámbo ya wɛsti tii na Mareale mpe ekómaki tii na Dabeshete mpe ekómaki tii na lobwaku ya mokɛli oyo etalani na Yokoneame.+ 12 Mpe ezongaki banda na Saride na ngámbo ya ɛsti, ekei epai moi ebimaka tii na ndelo ya Kislote-tabore mpe ebimaki na Daberate+ mpe emataki tii na Yafia. 13 Mpe banda kuna, ekatisaki na ngámbo ya ɛsti, ekei epai moi ebimaka tii na Gate-hefere,+ tii na Ete-kazine, mpe ebimaki tii na Rimone mpe elekaki tii na Nea. 14 Mpe ndelo yango ekendaki zingazinga na yango na nɔrdi tii na Hanatone, mpe bansuka na yango ezalaki na lobwaku ya Ifita-ele, 15 mpe Katate, Nahalale, Shimirone,+ Idala mpe Beteleme;+ bingumba zomi na mibale mpe bamboka na yango. 16 Wana nde libula+ ya bana ya Zebulone, na kolanda mabota na bango.+ Wana nde bingumba mpe bamboka na yango.

17 Ezalaki mpo na Isakare+ nde libula ya minei ebimaki, mpo na bana ya Isakare, na kolanda mabota na bango. 18 Mpe ndelo na bango ekendaki tii na Yizireele,+ Kesulote ná Shuneme,+ 19 Hafaraime, Shione ná Anaharate, 20 Rabite, Kishione ná Ebeze, 21 Remete, Ene-ganime,+ Ene-hada ná Bete-pazeze. 22 Mpe ndelo yango ekómaki tii na Tabore,+ Shahazuma ná Bete-shemeshe, mpe bansuka ya ndelo na bango ezalaki na Yordani; bingumba zomi na motoba mpe bamboka na yango. 23 Wana nde libula ya libota ya bana ya Isakare, na kolanda mabota na bango,+ bingumba mpe bamboka na yango.

24 Na nsima, libula+ ya mitano ebimaki, ezalaki mpo na libota ya bana ya Ashere,+ na kolanda mabota na bango. 25 Mpe ndelo na bango ezalaki: Helekate,+ Hali, Betene ná Akashafe,+ 26 Alameleke, Amade ná Mishale.+ Mpe ekómaki na ngámbo ya wɛsti tii na Karamele+ mpe tii na Shihore-libinate, 27 mpe ezongaki epai moi ebimaka tii na Bete-dagone mpe ekómaki tii na Zebulone+ mpe na lobwaku ya Ifita-ele na nɔrdi, tii na Bete-emeke mpe Neiele, mpe ebimaki tii na Kabule na lobɔkɔ ya mwasi, 28 mpe tii na Ebrone, Rehobe, Hamone mpe Kana tii na Sidone+ oyo ezali na bato mingi. 29 Mpe ndelo yango ezongaki tii na Rama mpe kino Tire,+ engumba oyo ebatelami makasi. Mpe ndelo yango ezongaki tii na Hosa, mpe bansuka na yango ezalaki na mbu, na etúká ya Akazibe,+ 30 mpe na Uma, Afeke+ mpe Rehobe;+ bingumba ntuku mibale na mibale (22) mpe bamboka na yango. 31 Wana nde libula ya libota ya bana ya Ashere, na kolanda mabota na bango.+ Wana nde bingumba mpe bamboka na yango.

32 Ezalaki mpo na bana ya Nafatali+ nde libula+ ya motoba ebimaki, mpo na bana ya Nafatali, na kolanda mabota na bango. 33 Mpe ndelo na bango ebandaki na Helefe, banda na nzete monene na Zaananime,+ mpe Adami-nekebe mpe Yabineele tii na Lakume; mpe bansuka na yango ezalaki na Yordani. 34 Mpe ndelo yango ezongaki na ngámbo ya wɛsti tii na Azenote-tabore mpe ebimaki banda kuna tii na Hukoke mpe ekómaki na Zebulone+ na sudi, mpe ekómaki na Ashere+ na wɛsti mpe na Yuda*+ na Yordani, epai moi ebimaka. 35 Mpe bingumba oyo ebatelami makasi ezalaki: Zidime, Zere, Hamate,+ Rakate ná Kinerete,+ 36 Adama, Rama ná Hazore,+ 37 Kedeshe,+ Edrei ná Ene-hazore, 38 Yirone, Migidala-ele, Horeme, Bete-anate ná Bete-shemeshe;+ bingumba zomi na libwa mpe bamboka na yango. 39 Wana nde libula+ ya libota ya bana ya Nafatali, na kolanda mabota na bango,+ bingumba mpe bamboka na yango.

40 Ezalaki mpo na libota ya bana ya Dani+ nde libula+ ya nsambo ebimaki, na kolanda mabota na bango. 41 Mpe ndelo ya libula na bango ezalaki: Zora,+ Eshetaole ná Ire-shemeshe, 42 Shaalabine,+ Aiyalone+ ná Itila, 43 Elone, Timina+ ná Ekrone,+ 44 Eleteke, Gibetone+ ná Baalate,+ 45 Yehude, Bene-berake ná Gate-rimone,+ 46 Me-yarakone ná Rakone, ná ndelo oyo etalani na Yope.+ 47 Mpe teritware ya bana ya Dani ezalaki moke mingi+ mpo na bango. Bongo bana ya Dani bamataki mpo na kobunda na Lesheme+ mpe bazwaki yango mpe babɛtaki yango na mopanga. Na nsima, bakómisaki yango mboka na bango mpe bafandaki kuna, mpe babandaki kobenga Lesheme yango Dani, na nkombo ya nkɔkɔ na bango Dani.+ 48 Wana nde libula ya libota ya bana ya Dani, na kolanda mabota na bango. Wana nde bingumba mpe bamboka na yango.

49 Boye, basilisaki kokabola mokili yango mpo na kozwa yango teritware na teritware. Na nsima, bana ya Yisraele bapesaki Yosua, mwana ya Nunu, libula na kati na bango. 50 Na etinda ya Yehova, bapesaki ye engumba oyo ye asɛngaki,+ elingi koloba: Timinate-sera,+ na etúká ya ngombangomba ya Efraime; mpe abandaki kotonga engumba yango lisusu mpe afandaki wana.

51 Wana nde mabula oyo nganga-nzambe Eleazare mpe Yosua, mwana ya Nunu, mpe bankumu ya batata ya mabota ya bana ya Yisraele bakabolaki+ na nzela ya mbɛsɛ, na Shilo,+ liboso ya Yehova, na monɔkɔ ya hema ya kokutana,+ mpo ezala mokili na bango. Bongo basilisaki kokabola mokili yango.