Watchtower MIKANDA OYO EZALI NA INTERNET

Watchtower MIKANDA OYO EZALI NA INTERNET

MIKANDA OYO EZALI NA INTERNET

Nzembo 89:17

Biblia Libongoli ya Mokili ya Sika
- 17 Mpo yo ozali kitoko ya makasi na bango;+
  Mpe na bosepeli na yo, liseke na biso etombwami.+

Nzembo 92:10

Biblia Libongoli ya Mokili ya Sika
- 10 Kasi okotombola liseke na ngai lokola oyo ya ngɔmbɛ ya zamba;+
  Nakomipakola mafuta ya sika.+

Nzembo 148:14

Biblia Libongoli ya Mokili ya Sika
- 14 Mpe akotombola liseke ya bato na ye,+
  Lisanzoli ya bato na ye nyonso ya sembo,+
  Ya bana ya Yisraele, bato oyo bazali pene na ye.+
  Bósanzola Yah!+

Nzembo 76:maloba ya ebandeli ya loyembo-12

Biblia Libongoli ya Mokili ya Sika
- Epai ya mokambi ya nzembo na bibɛtɛlo ya bansinga. Mondule. Ya Asafe.+ Loyembo.
  
  76 Nzambe ayebani na Yuda;+
  Na Yisraele nkombo na ye ezali monene.+
  
  2 Mpe esika na ye ya kobombana ezali na Saleme,+
  Mpe esika na ye ya kofanda ezali na Siona.+
  
  3 Kuna abukaki mbanzi ya litimbo oyo ezali kopela,+
  Nguba ná mopanga mpe etumba.+ Sela.
  
  4 Yo ozingami na pole, ozali na nkembo mingi koleka bangomba oyo etondi na banyama ya kolya.+
  
  5 Bato ya nguya na motema bapunzami,+
  Bayoki miso kilo kino balali mpɔngi,+
  Mpe bilombe mibali yango nyonso bazali na makasi na mabɔkɔ na bango te.+
  
  6 Ee Nzambe ya Yakobo, na mpamela na yo, mota-mbwisi-likalo ná mpunda balali mpɔngi makasi.+
  
  7 Yo—ozali koyokisa nsɔmɔ,+
  Mpe nani akoki kotɛlɛma liboso na yo mpo na makasi ya nkanda na yo?+
  
  8 Longwa na likoló oyokisaki likambo ya kosamba;+
  Mabele ebangaki mpe efandaki nyɛɛ+
  
  9 Ntango Nzambe atɛlɛmaki mpo na kosambisa,+
  Mpo na kobikisa bato nyonso ya komikitisa ya mabele.+ Sela.
  
  10 Mpo nkanda makasi ya moto ekokumisa yo;+
  Okomikanga na loketo nkanda makasi oyo etikali.
  
  11 Bósala elako epai ya Yehova Nzambe na bino mpe bókokisa yango, bino nyonso baoyo bozali zingazinga na ye.+
  Bámema likabo na kobanga.+
  
  12 Ye akokitisa elimo ya batambwisi;+
  Ye azali koyokisa bakonzi ya mabele nsɔmɔ.+