• Balevi 17:15
    Biblia—Libongoli ya Mokili ya Sika

    • 15 Soki moto* moko, ezala mwana-mboka to moto oyo afandi mopaya, alei nyama oyo bakuti ekufi yango moko to eloko moko oyo nyama ya zamba epasoli,+ asengeli kosukola bilamba na ye mpe kosukola na mai mpe akozala mbindo tii na mpokwa,+ na nsima akozala pɛto.

  • Balevi 22:3
    Biblia—Libongoli ya Mokili ya Sika

    • 3 Lobá na bango ete: ‘Na boumeli ya mabota na bino, moto nyonso na kati ya libota na bino oyo azali mbindo mpe apusani pene na biloko mosantu, oyo Bayisraele bakosantisa mpo na Yehova, moto* yango akobomama* liboso na ngai.+ Ngai nazali Yehova.

  • Kolimbola Mibeko 14:21
    Biblia—Libongoli ya Mokili ya Sika

    • 21 “Bosengeli te kolya nyama oyo ekufi yango moko.+ Bokoki kopesa yango moto oyo afandi mopaya, oyo azali na kati ya bingumba* na bino, mpe ye akoki kolya yango, to bokoki mpe kotɛkɛla yango mopaya. Mpo bozali ekólo moko mosantu mpo na Yehova Nzambe na bino.

      “Bosengeli te kotɔkisa mwana-ntaba na kati ya miliki ya mabɛlɛ ya mama na yango.+

  • Ezekiele 4:14
    Biblia—Libongoli ya Mokili ya Sika

    • 14 Bongo nalobaki ete: “Te, bongo te, Yehova Nkolo Mokonzi-Oyo-Aleki-Nyonso! Banda bolenge na ngai tii sikoyo nakómá naino mbindo te, mpo nalyá te nyama oyo ekufi yango moko to nyama oyo epasolami,+ mpe mosuni ya mbindo ekɔtá naino te na monɔkɔ na ngai.”+