15 “Kasi soki okoyoka te mongongo ya Yehova Nzambe na yo, soki okotya likebi te ete otosa mitindo na ye nyonso mpe mibeko na ye oyo nazali kopesa yo lelo, bilakeli mabe oyo nyonso ekokitela yo mpe ekozwa yo:+

25 Yehova akosala ete banguna na yo bálonga yo.+ Okokende kobunda na bango na nzela moko, kasi okokima liboso na bango na nzela nsambo; mpe makonzi nyonso ya mabele ekobanga ntango ekoyoka makambo ya mabe oyo ekómeli yo.+

14 Bongo nkanda ya Yehova engalelaki Bayisraele. Na yango apesaki bango na mabɔkɔ ya bapunzi, mpe bapunzaki bango.+ Atɛkaki bango na lobɔkɔ ya banguna oyo bazalaki zingazinga na bango,+ mpe bazalaki lisusu na likoki ya kotɛlɛma liboso ya banguna na bango te.+

10 Na yango, Bafilistia babundaki mpe balongaki Yisraele.+ Bayisraele bakimaki, moto na moto na hema na ye. Ebele mpenza ya bato babomamaki; basoda 30 000 ya Yisraele oyo batambolaka na makolo bakufaki.