4 Asengeli kokima na moko ya bingumba yango+ mpe kotɛlɛma na esika ya kokɔta na porte ya engumba+ mpe koyebisa likambo na ye na matoi ya bankulutu ya engumba. Na nsima bankulutu basengeli koyamba ye na kati ya engumba mpe kopesa ye esika, mpe akofanda elongo na bango. 5 Soki mozongisi mabe mpo na makila alandi ye kuna, bankulutu yango basengeli te kokaba moto oyo abomi moto yango na lobɔkɔ na ye, mpo abomaki moninga na ye kozanga kokana,* mpe azalaki koyina ye liboso te.+