• 1 Samwele 18:6-8
    Biblia—Libongoli ya Mokili ya Sika

    • 6 Ntango Davidi ná basoda mosusu bautaki koboma Bafilistia mpe bazalaki kozonga, basi babimaki na bingumba nyonso ya Yisraele mpo na kokutana na mokonzi Saulo. Bazalaki kosepela, koyemba+ mpe kobina, ná bambonda mike+ mpe bibɛtɛlo ya nsinga misato. 7 Basi yango bazalaki kosepela mpe koyemba boye:

      “Saulo abomi bankóto ya banguna,

      Mpe Davidi abomi bankóto zomi zomi.”+

      8 Saulo ayokaki nkanda makasi,+ mpe loyembo wana esepelisaki ye te, mpo alobaki: “Bakumisi Davidi ete abomi bankóto zomi zomi, kasi ngai nabomi kaka bankóto. Sikoyo, etikali kaka bápesa ye bokonzi!”+

  • 1 Samwele 29:4, 5
    Biblia—Libongoli ya Mokili ya Sika

    • 4 Kasi bankumu ya Bafilistia basilikelaki ye, mpe balobaki na ye: “Zongisá moto oyo.+ Tiká ye azonga na esika oyo otyaki ye. Asengeli te kokita elongo na biso na etumba, noki abalukela biso na etumba.+ Mpo eloko nini eleki malamu oyo akoki kopesa mpo mokonzi na ye andima ye? Ezali nde mitó ya bato na biso, boye te? 5 Oyo Davidi te moto bazalaki koyembela mpe kobinela, balobi:

      ‘Saulo abomi bankóto ya banguna,

      Mpe Davidi abomi bankóto zomi zomi’?”+