Watchtower MIKANDA OYO EZALI NA INTERNET

Watchtower MIKANDA OYO EZALI NA INTERNET

MIKANDA OYO EZALI NA INTERNET

Balevi 18:28

Biblia—Libongoli ya Mokili ya Sika
- 28 Na yango, mokili ekosanza bino te ete bokómisi yango mbindo ndenge yango ekosanza bikólo oyo ezalaki liboso na bino.

Kolimbola Mibeko 4:26

Biblia—Libongoli ya Mokili ya Sika
- 26 nazali lelo kozwa likoló ná mabele batatoli liboso na bino, ete bokokufa mpenza nokinoki na mokili epai bozali kokatisa Yordani mpo na kozwa yango. Bokoumela na mokili yango te, mpo bokosila bino nyonso.+

2 Samwele 7:14

Biblia—Libongoli ya Mokili ya Sika
- 14 Nakokóma tata na ye, mpe ye akokóma mwana na ngai.+ Soki asali mabe, nakosembola ye* mpe nakobɛta ye fimbo, ndenge kaka bana ya bato basalaka.+

2 Bakonzi 17:22, 23

Biblia—Libongoli ya Mokili ya Sika
- 22 Mpe bato ya Yisraele bakobaki kosala masumu nyonso oyo Yeroboame asalaki.+ Bazalaki se kosala yango 23 tii ntango Yehova alongolaki Yisraele na miso na ye, kaka ndenge alobaki yango na nzela ya basaleli na ye nyonso basakoli.+ Na yango, Baasiri balongolaki Bayisraele na mabele na bango mpe bamemaki bango na mboka mopaya, na Asiri;+ mpe bafandi kuna tii na mokolo ya lelo.

Nzembo 89:30-32

Biblia—Libongoli ya Mokili ya Sika
- 30 Soki bana na ye batiki mobeko na ngai
  Mpe batamboli te na kolanda bikateli na ngai ya lisambisi,
  31 Soki babuki mibeko na ngai
  Mpe batosi te mitindo na ngai,
  32 Nakopesa bango etumbu na lingenda mpo na kozanga botosi* na bango+
  Mpe nakobɛta bango fimbo mpo na libunga na bango.