• Kobima 12:48
    Biblia—Libongoli ya Mokili ya Sika

    • 48 Soki mopaya azali kofanda elongo na yo mpe soki alingi kosala Elekeli mpo na Yehova, mobali nyonso oyo azali epai na ye asengeli kokatama ngenga. Nsima na yango nde akoki kosala yango, mpe akokóma lokola mwana-mboka ya mokili. Kasi mobali nyonso oyo akatami ngenga te akoki kolya yango te.+

  • Ruta 1:16
    Biblia—Libongoli ya Mokili ya Sika

    • 16 Kasi Ruta alobaki: “Kobondela ngai te ete nasundola yo, nazonga, natika yo; mpo epai okokende, ngai mpe nakokende, epai okolala, ngai mpe nakolala. Bato na yo bakozala bato na ngai, mpe Nzambe na yo, Nzambe na ngai.+

  • 2 Bakonzi 5:15
    Biblia—Libongoli ya Mokili ya Sika

    • 15 Nsima na yango, Naamane azongaki epai ya moto ya Nzambe ya solo,+ elongo na bato nyonso oyo bazalaki na ye.* Naamane atɛlɛmaki liboso na ye mpe alobaki: “Sikoyo nandimi ete na mabele mobimba, Nzambe azali na esika mosusu te, kaka na Yisraele.+ Sikoyo nabondeli yo, ndimá likabo* oyo ngai mosaleli na yo namemeli yo.”

  • Yisaya 56:6, 7
    Biblia—Libongoli ya Mokili ya Sika

    •  6 Mpo na bapaya oyo bayei epai ya Yehova mpo na kosalela ye,

      Kolinga nkombo ya Yehova+

      Mpe kozala basaleli na ye,

      Baoyo nyonso bazali kotosa sabata mpe bakómisi yango eloko mpamba te

      Mpe baoyo bakangami makasi na kondimana na ngai,

       7 Nakomema mpe bango na ngomba na ngai mosantu+

      Mpe nakosepelisa bango na ndako na ngai ya mabondeli.

      Makabo na bango ya kotumba mobimba ná bambeka na bango ekondimama likoló ya etumbelo na ngai.

      Mpo ndako na ngai ekobengama ndako ya mabondeli mpo na bato ya bikólo nyonso.”+

  • Misala 8:27
    Biblia—Libongoli ya Mokili ya Sika

    • 27 Na yango atɛlɛmaki mpe akendaki, mpe talá! mokube moko moto ya Etiopi, moto monene oyo azalaki kosalela Kandase mokonzi mwasi ya bato ya Etiopi, mpe ye nde azalaki kotalela mosolo na ye nyonso. Akendaki na Yerusaleme mpo na kosambela,+