• Nzembo 15:1-5
    Biblia—Libongoli ya Mokili ya Sika

    • 15 Ee Yehova, nani okoki kobengisa na hema na yo?

      Nani akofanda na ngomba na yo mosantu?+

       2 Moto oyo atosaka Nzambe ntango nyonso,+

      Oyo asalaka makambo oyo ezali sembo+

      Mpe oyo alobaka solo na motema na ye.+

       3 Akoselaka bato makambo te,*+

      Asalelaka mozalani na ye eloko moko te ya mabe,+

      Mpe abebisaka lokumu ya baninga na ye te.*+

       4 Aboyaka moto nyonso ya mpambampamba,+

      Kasi akumisaka baoyo babangaka Yehova.

      Soki alaki likambo moko,* akokisaka yango, ata soki ekoki kobimisela ye mokakatano.+

       5 Adefisaka mbongo na ye mpo na kozwa benefisi te,+

      Mpe azwaka kanyaka te mpo na kokweisa moto oyo asali likambo te.+

      Moto nyonso oyo asalaka makambo wana akokwea ata moke te.*+

  • Nzembo 84:1-4
    Biblia—Libongoli ya Mokili ya Sika

    • 84 Tabernakle na yo monene ezali kitoko mpenza,*+

      Ee Yehova ya mampinga!

       2 Mobimba* na ngai nyonso ezali na mposa makasi,

      Ɛɛ, nazali na mposa makasi ya mapango ya ndako ya Yehova.+

      Motema na ngai mpe mosuni na ngai

      Ezali koganga na esengo mpo na Nzambe ya bomoi.

       3 Ata ndɛkɛ mpe ezwi ndako kuna

      Mpe nyampeke emisaleli zumbu* na yango,

      Epai ebatelaka bana na yango

      Pembeni ya etumbelo na yo monene, Ee Yehova ya mampinga,

      Mokonzi na ngai mpe Nzambe na ngai!

       4 Esengo na baoyo bazali kofanda na ndako na yo!+

      Basanzolaka yo ntango nyonso.+ (Sela)