Watchtower MIKANDA OYO EZALI NA INTERNET

Watchtower MIKANDA OYO EZALI NA INTERNET

MIKANDA OYO EZALI NA INTERNET

Nzembo 22:27

Biblia—Libongoli ya Mokili ya Sika
- 27 Bansuka nyonso ya mabele ekokanisa Yehova mpe ekozongela ye.
  
  Mabota nyonso ya bikólo ekogumbamela yo.+

Yisaya 2:2, 3

Biblia—Libongoli ya Mokili ya Sika
- 2 Na eleko ya nsuka ya mikolo,
  Ngomba ya ndako ya Yehova
  Ekopikama makasi likoló koleka nsɔngɛ ya bangomba,+
  Mpe ekotombwama mpenza likoló koleka bangomba mike,
  Mpe bikólo nyonso ekosopana kuna.+
  
  3 Mpe bato mingi ya bikólo bakokende mpe bakoloba:
  
  “Bóya! Tómata na ngomba ya Yehova,
  Na ndako ya Nzambe ya Yakobo.+
  
  Akoteya biso banzela na ye,
  Mpe tokotambola na banzela na ye.”+
  
  Mpo mobeko* ekobima na Siona,
  Mpe liloba ya Yehova ekobima na Yerusaleme.+

Yisaya 11:10

Biblia—Libongoli ya Mokili ya Sika
- 10 Na mokolo yango, mosisa ya Yese+ akotɛlɛma lokola elembo mpo na bato ya bikólo.+
  
  Bikólo ekobaluka epai na ye mpo na koluka litambwisi,*+
  Mpe esika na ye ya kopema ekokóma na nkembo.

Yisaya 55:5

Biblia—Libongoli ya Mokili ya Sika
- 5 Talá! Okobenga* ekólo oyo oyebi te,
  Mpe bato ya ekólo oyo bayebi yo te bakoya mbangu epai na yo
  Mpo na Yehova Nzambe na yo,+ Mosantu ya Yisraele,
  Mpo akokumisa yo.+

Yisaya 60:3

Biblia—Libongoli ya Mokili ya Sika
- 3 Bikólo ekokende epai pole na yo ezali+
  Mpe bakonzi+ epai kongɛnga na yo ya nkembo ezali.*+

Hosea 1:10

Biblia—Libongoli ya Mokili ya Sika
- 10 “Mpe bato* ya Yisraele bakokóma ebele mpenza lokola bambuma ya zɛlo ya mbu oyo ekoki komekama te to kotángama te.+ Mpe na esika oyo nazalaki koloba na bango ete: ‘Bozali bato na ngai te,’+ nakoloba na bango: ‘Bozali bana ya Nzambe ya bomoi.’+

Mika 4:2

Biblia—Libongoli ya Mokili ya Sika
- 2 Mpe bikólo mingi ekokende mpe ekoloba:
  
  “Bóya! Tómata na ngomba ya Yehova
  Na ndako ya Nzambe ya Yakobo.+
  
  Akoteya biso banzela na ye,
  Mpe tokotambola na banzela na ye.”
  
  Mpo mobeko* ekobima na Siona,
  Mpe liloba ya Yehova ekobima na Yerusaleme.

Hagai 2:7

Biblia—Libongoli ya Mokili ya Sika
- 7 “‘Mpe nakoningisa bikólo nyonso, mpe biloko ya motuya* ya bikólo nyonso ekokɔta na ndako oyo;+ mpe nakotondisa yango na nkembo,’+ Yehova ya mampinga alobi bongo.