22 Ezalaki ntango Yesu ná bayekoli na ye bayanganaki na Galile nde alobaki na bango: “Mwana ya moto akotɛkama na mabɔkɔ ya bato,+ 23 bakoboma ye, mpe na mokolo ya misato akosekwa.”+ Bongo bayekoli bayokaki mawa mingi mpenza.

31 Mpo azalaki koteya bayekoli na ye mpe koyebisa bango: “Mwana ya moto akotɛkama na mabɔkɔ ya bato, mpe bakoboma ye,+ kasi atako akobomama, akolamuka* mikolo misato na nsima.”+ 32 Nzokande, bakangaki ntina ya maloba na ye te, mpe babangaki kotuna ye mituna.

31 Bongo abendaki bantoma zomi na mibale pembeni mpe alobaki na bango: “Talá! Tozali komata na Yerusaleme, mpe makambo nyonso oyo ekomamá na nzela ya basakoli mpo na Mwana ya moto ekokokisama.+ 32 Na ndakisa, akokabama na mabɔkɔ ya bato ya bikólo,+ bakosɛka ye,+ bakosambwisa ye mpe bakobwakela ye nsoi.+ 33 Mpe nsima ya kobɛta ye fimbo, bakoboma ye,+ kasi na mokolo ya misato akosekwa.”+