9 Nsima na yango, alɔtaki ndɔtɔ mosusu, mpe ayebisaki yango bandeko na ye na maloba oyo: “Talá nalɔti ndɔtɔ mosusu. Mbala oyo moi ná sanza mpe minzoto 11 ezalaki kogumbamela ngai.”+ 10 Bongo ayebisaki yango tata na ye mpe bandeko na ye, mpe tata na ye apamelaki ye mpe alobaki na ye ete: “Ndɔtɔ oyo olɔti elimboli nini? Ngai ná mama na yo mpe bandeko na yo tokoya mpenza kogumbamela yo tii na nse?” 11 Mpe bandeko na ye bakómaki koyokela ye zuwa,+ kasi tata na ye abatelaki liloba yango.