12 Yehova alobaki na Abrama ete: “Longwá na mokili na yo mpe tiká bandeko na yo mpe ndako ya tata na yo mpe kende na mokili oyo nakolakisa yo.+ 2 Nakokómisa yo ekólo moko monene, nakopambola yo, nakokómisa nkombo na yo monene, mpe okokóma lipamboli.+ 3 Nakopambola baoyo bazali kopambola yo, mpe moto oyo azali kolakela yo mabe, nakolakela ye mabe,+ mpe mabota nyonso ya mabele ekopambolama* mpenza na nzela na yo.”+

7 Na nsima, Yehova abimelaki Abrama mpe alobaki na ye ete: “Nakopesa libota*+ na yo mokili oyo.”+ Na yango, atongaki etumbelo kuna mpo na Yehova, oyo abimelaki ye.

14 Ntango Lota ná Abrama bakabwanaki, na nsima, Yehova alobaki na Abrama ete: “Nabondeli yo, tombolá miso na yo, mpe na esika ozali, talá na nɔrdi, na sudi, na ɛsti mpe na wɛsti, 15 mpo mokili nyonso oyo ozali komona, nakopesa yo yango mpe na libota*+ na yo libela na libela.

7 “Mpe nakokokisa kondimana na ngai oyo ezali kati na ngai ná yo+ mpe ná bato ya libota* na yo, oyo bakoya nsima na yo, ná mabota na bango mpo na kondimana moko ya libela, mpo nazala Nzambe na yo mpe ya bato ya libota* na yo, oyo bakoya nsima na yo.

17 nakopambola yo mpenza mpe nakokómisa mpenza bana* na yo mingi lokola minzoto ya likoló mpe lokola bambuma ya zɛlo oyo ezali pembenipembeni ya mbu;+ mpe mwana* na yo akozwa bingumba* ya banguna na ye.+ 18 Mpe na nzela ya libota*+ na yo, bikólo nyonso ya mabele ekomizwela lipamboli mpo oyoki mongongo na ngai.’”+

7 Yehova Nzambe ya likoló, oyo alongolaki ngai na ndako ya tata na ngai mpe na mokili ya bandeko na ngai,+ mpe oyo alobaki na ngai mpe alapelaki ngai ndai+ ete: ‘Nakopesa libota*+ na yo mokili oyo,’+ akotinda anzelu na ye liboso na yo,+ mpe okozwela mwana na ngai mwasi kuna.+