Mokanda ya mibale ya Ntango
16 Na mbula ya 36 ya boyangeli ya Asa, Baasha+ mokonzi ya Yisraele akendaki kobundisa Yuda mpe atongaki lisusu* engumba Rama+ mpo moto moko te azala na likoki ya kobima to ya kokɔta na teritware ya Asa mokonzi ya Yuda.*+ 2 Na yango, Asa abimisaki palata mpe wolo na bisika ya kobomba biloko ya motuya ya ndako ya Yehova+ mpe ya ndako ya mokonzi mpe atindaki yango epai ya Bene-hadade mokonzi ya Siri,+ oyo azalaki kofanda na Damasi, alobi: 3 “Boyokani* ezali kati na ngai ná yo mpe kati na tata na ngai ná tata na yo. Natindeli yo palata ná wolo. Nabondeli yo, katá boyokani* na yo ná Baasha mokonzi ya Yisraele mpo alongwa epai na ngai.”
4 Bene-hadade ayokelaki Mokonzi Asa mpe atindaki bakonzi ya mampinga ya basoda na ye mpo bábundisa bingumba ya Yisraele, mpe bazwaki Iyone,+ Dani,+ Abele-maime ná bisika nyonso ya kobomba biloko ya bingumba ya Nafatali.+ 5 Ntango Baasha ayokaki bongo, na mbala moko atikaki kotonga* Rama mpe asundolaki mosala yango. 6 Na nsima Mokonzi Asa azwaki bato nyonso ya Yuda, mpo bámemela ye mabanga mpe mabaya oyo Baasha azalaki kosalela mpo na kotonga+ Rama.+ Mokonzi Asa asalelaki yango mpo na kotonga lisusu* Geba+ mpe Mizipa.+
7 Na ntango yango, Hanani+ momoni-makambo ayaki epai ya Asa mokonzi ya Yuda mpe alobaki na ye: “Lokola otyaki motema* epai ya mokonzi ya Siri, na esika otya motema* epai ya Yehova Nzambe na yo, limpinga ya basoda ya mokonzi ya Siri elongwe na mabɔkɔ na yo.+ 8 Bato ya Etiopi mpe bato ya Libi bazalaki limpinga moko monene ya basoda mpe bazalaki na makalo ná batambwisi-mpunda ebele! Kasi lokola otyaki motema epai ya Yehova, apesaki bango na mabɔkɔ na yo.+ 9 Mpo miso ya Yehova ezali kotambolatambola na mabele mobimba+ mpo amonisa makasi na ye* mpo na bolamu ya baoyo motema na bango ezali mobimba* epai na ye.+ Na likambo oyo, osali makambo lokola zoba; banda lelo bitumba ekoyela yo.”+
10 Kasi Asa asilikelaki momoni-makambo mpe atyaki ye na bolɔkɔ* mpo ayokelaki ye nkanda makasi mpo na maloba na ye. Mpe na eleko yango, Asa abandaki konyokola bato mosusu ya ekólo. 11 Lisolo ya Asa, banda na ebandeli tii na nsuka, ekomami na Buku ya bakonzi ya Yuda mpe ya Yisraele.+
12 Na mbula ya 39 ya boyangeli na ye, Asa azwaki maladi na makolo mpe maladi yango ekómaki makasi; mpe ata ntango abɛlaki bongo alukaki Yehova te, alukaki nde banganga-nkisi. 13 Na nsima, Asa akufaki;*+ ezalaki na mbula ya 41 ya boyangeli na ye. 14 Bongo bakundaki ye na lilita monene oyo atimolaki mpo na ye moko na Sité ya Davidi;+ mpe balalisaki nzoto na ye na mbeto ya ebembe oyo batondisi na mafuta ya balsame mpe na malasi oyo basalaki na biloko ndenge na ndenge oyo basangisi, oyo esalemaki kaka mpo na libaku yango.+ Lisusu, bapelisaki mɔtɔ ya matánga moko monene mpenza mpo na ye.*