Yirimia
1 Oyo ezali maloba ya Yirimia* mwana ya Hilikiya, moko ya banganga-nzambe oyo bazalaki na Anatote+ na teritware ya Benyamina. 2 Yehova alobaki na ye na mikolo ya Yosiya+ mwana ya Amone,+ mokonzi ya Yuda, na mbula ya 13 ya boyangeli na ye. 3 Mpe Nzambe alobaki na ye lisusu na mikolo ya Yehoyakime+ mwana ya Yosiya, mokonzi ya Yuda, tii na nsuka ya mbula ya 11 ya Zidikiya+ mwana ya Yosiya, mokonzi ya Yuda, tii ntango bato ya Yerusaleme bamemamaki na mboka mopaya na sanza ya mitano.+
4 Yehova alobaki na ngai boye:
Nakómisaki yo mosakoli mpo na bikólo.”
6 Kasi nalobaki ete: “Aa! Ee Yehova Nkolo Mokonzi-Oyo-Aleki-Nyonso!
Nayebi koloba te,+ mpo nazali kaka mwana.”*+
7 Bongo Yehova alobaki na ngai ete:
“Koloba te ete: ‘Nazali kaka mwana.’
Mpo osengeli kokende epai ya bato nyonso oyo nakotinda yo,
Mpe osengeli koloba likambo nyonso oyo nakopesa yo mitindo.+
9 Bongo Yehova asembolaki lobɔkɔ na ye mpe asimbaki monɔkɔ na ngai.+ Mpe Yehova alobaki na ngai: “Natye maloba na ngai na monɔkɔ na yo.+ 10 Talá, lelo oyo napesi yo mokumba ya kozala likoló ya bikólo mpe likoló ya makonzi, mpo na kopikola mpe kokweisa, kobebisa mpe kobuka, kotonga mpe kolona.”+
11 Yehova alobaki na ngai lisusu ete: “Yirimia, ozali komona nini?” Nayanolaki: “Nazali komona etape ya nzete ya amande.”*
12 Yehova alobaki na ngai ete: “Omoni malamu, mpo nazali mpenza kosɛnzɛla mpo na kokokisa liloba na ngai.”
13 Yehova alobaki na ngai mpo na mbala ya mibale ete: “Ozali komona nini?” Nayanolaki ye: “Nazali komona nzungu* oyo ezali kotɔka,* mpe monɔkɔ na yango etɛngami longwa na nɔrdi.” 14 Bongo, Yehova alobaki na ngai ete:
“Mpasi ekouta na nɔrdi
Ekoyela bato nyonso oyo bafandi na mokili.+
15 Mpo ‘nazali kobengisa mabota nyonso ya makonzi ya nɔrdi,’ yango nde liloba ya Yehova,+
‘Mpe bakoya; mokomoko na bango akotya kiti na ye ya bokonzi
Na esika ya kokɔta na baporte ya Yerusaleme,+
Liboso ya bifelo na yango zingazinga
Mpe liboso ya bingumba nyonso ya Yuda.+
16 Mpe nakoyebisa bango bitumbu mpo na mabe na bango nyonso,
Mpo basundolaki ngai,+
Mpe bazali kotumba bambeka* mpo na banzambe mosusu+
Mpe bazali kogumbamela misala ya mabɔkɔ na bango.’+
17 “Kasi yo, osengeli komibongisa mpo na kosala.*
Mpe osengeli kotɛlɛma mpe koloba na bango makambo nyonso oyo nazali kopesa yo mitindo.
Kolɛnga liboso na bango te,+
Soki te nakosala ete olɛnga liboso na bango.