Nzembo
Epai ya mokambi ya nzembo; na ebɛtɛlo ya “Fololo lísi ya Bokundoli.” Mikitame.* Ya Davidi. Mpo na koteya. Ntango abundaki na Arame-naharaime ná Arame-Zoba, mpe Yoabe azongaki mpe abomaki bato 12 000 ya Edome na Lobwaku ya Mungwa.+
60 Ee Nzambe, obwakaki biso; opanzaki biso.+
Osilikelaki biso; kasi sikoyo ndimá biso lisusu!
2 Oningisaki mabele; opasolaki yango.
Bongisá madusu na yango, mpo elingi kokwea.
3 Osali ete bato na yo bámona mpasi makasi.
Omɛlisi biso vinyo oyo ezali kopesa biso kizunguzungu.+
6 Nzambe alobi na kati ya bosantu na ye* ete:
7 Gileade ezali ya ngai, Manase mpe ezali ya ngai,+
Mpe Efraime ezali ekɔti* mpo na motó na ngai;
Yuda ezali lingenda na ngai ya komanda.+
8 Moabe ezali saani monene na ngai ya kosukola.+
Nakobwakela Edome sandale na ngai.+
Nakoganga ete nalongi Filistia.”+
9 Nani akomema ngai na engumba oyo ezingami?*
Nani akokamba ngai tii na Edome?+