Yosua

14 Talá bateritware oyo Bayisraele bazwaki lokola libula na mokili ya Kanana, oyo nganga-nzambe Eleazare mpe Yosua mwana ya Nunu ná bankumu ya batata ya mabota ya Yisraele bapesaki bango.+ 2 Libula na bango ekabolamaki na nzela ya mbɛsɛ,+ ndenge Yehova apesaki mitindo na nzela ya Moize mpo na mabota libwa ná ndambo.+ 3 Moize apesaki mabota mibale ná ndambo libula na ngámbo mosusu* ya Yordani,+ kasi apesaki Balevi libula te.+ 4 Bakitani ya Yozefe bazalaki kotalelama lokola mabota mibale:+ Manase ná Efraime.+ Bapesaki Balevi libula te na mokili yango. Bapesaki bango kaka bingumba+ ya kofanda mpe bisika na yango mpo na koleisa bibwɛlɛ matiti mpe mpo na biloko na bango.+ 5 Na yango, Bayisraele bakabolaki mokili yango kaka ndenge Yehova apesaki Moize mitindo.

6 Na nsima mibali ya Yuda bakendaki epai ya Yosua na Gilgale+ mpe Kalebe+ mwana ya Yefune Mokenize alobaki na ye boye: “Oyebi malamu likambo oyo Yehova alobaki+ na Moize, moto ya Nzambe ya solo,+ mpo na ngai ná yo, na Kadeshe-barnea.+ 7 Nazalaki na mbula 40 ntango Moize mosaleli ya Yehova atindaki ngai uta na Kadeshe-barnea mpo na konɔnga mokili,+ mpe ntango nazongaki nayebisaki ye makambo na bosembo mpenza.*+ 8 Atako bandeko na ngai oyo bakendaki elongo na ngai balɛmbisaki mitema ya bato,* ngai natosaki Yehova Nzambe na ngai na motema mobimba.*+ 9 Moize alapaki ndai na mokolo yango ete: ‘Mokili epai makolo na yo etambolaki ekokóma libula na yo mpe ya bana na yo mpo na libela, mpo otosaki Yehova Nzambe na ngai na motema mobimba.’+ 10 Mbula 45 esili koleka banda ntango Yehova apesaki Moize elaka yango, wana Yisraele ezalaki kotambola na esobe.+ Mpe Yehova abateli ngai na bomoi,+ kaka ndenge alakaki.+ Talá ngai oyo nakómi lelo na mbula 85. 11 Mpe lelo oyo, nazali makasi kaka ndenge nazalaki na mokolo oyo Moize atindaki ngai. Nguya na ngai mpo na etumba mpe mpo na makambo mosusu ezali kaka ndenge ezalaki na ntango wana. 12 Sikoyo, pesá ngai etúká yango ya ngombangomba oyo Yehova alakaki na mokolo wana. Baanakime+ bazali kuna ná bingumba minene oyo ebatelami makasi,+ ndenge yo moko oyokaki na mokolo wana. Kasi nayebi* ete Yehova akozala elongo na ngai+ mpe nakobengana bango na mokili yango,* kaka ndenge Yehova alakaki.”+

13 Na yango, Yosua apambolaki Kalebe mwana ya Yefune mpe apesaki ye Hebrone, mpo ezala libula na ye.+ 14 Yango wana Hebrone ekómá teritware ya Kalebe mwana ya Yefune Mokenize tii na mokolo ya lelo, mpo atosaki Yehova Nzambe ya Yisraele na motema mobimba.+ 15 Liboso, nkombo ya Hebrone ezalaki Kiriate-arba+ (Arba azalaki moto monene na kati ya Baanakime). Mpe mokili yango ekómaki na kimya, bitumba ezalaki lisusu te.+