Ezera
5 Bongo mosakoli Hagai+ ná mosakoli Zekaria+ mwana ya mwana ya Ido+ basakwelaki Bayuda oyo bazalaki na Yuda mpe na Yerusaleme, na nkombo ya Nzambe ya Yisraele oyo azalaki likoló na bango. 2 Ezalaki na ntango yango nde Zerubabele+ mwana ya Shealatiele ná Yeshua+ mwana ya Yehozadake babandaki kotonga lisusu ndako ya Nzambe,+ oyo ezalaki na Yerusaleme. Mpe basakoli ya Nzambe bazalaki elongo na bango mpe basalisaki bango.+ 3 Na ntango yango, Tatenai guvɛrnɛrɛ ya etúká ya ngámbo mosusu ya Ebale,* Shetare-bozenai ná baninga na bango ya mosala bayaki epai na bango, mpe batunaki bango: “Nani apesi bino etinda ya kotonga ndako oyo mpe kosilisa mosala yango?”* 4 Mpe batunaki bango lisusu: “Mibali oyo bazali kotonga ndako oyo, bankombo na bango banani?” 5 Kasi Nzambe azalaki kokɛngɛla* bankulutu ya Bayuda,+ mpe bakataki mosala na bango te, tii lapolo etindama epai ya Dariuse mpe mokanda ya mokonzi mpo na likambo yango ezonga.
6 Talá maloba ya mokanda oyo Tatenai guvɛrnɛrɛ ya etúká ya ngámbo mosusu ya Ebale, Shetare-bozenai ná baninga na ye ya mosala, baguvɛrnɛrɛ ya mike na etúká ya ngámbo mosusu ya Ebale, batindelaki mokonzi Dariuse; 7 batindelaki ye lapolo, mpe bakomaki boye na lapolo yango:
“Epai ya Mokonzi Dariuse:
“Kimya ezala na yo! 8 Tiká mokonzi ayeba ete tokendaki na etúká* ya Yuda, na ndako ya Nzambe monene. Ndako yango ezali kotongama na mabanga minene oyo bazali kobalola mpo na kotya yango na bisika na yango, mpe mabaya ezali kotyama na bifelo. Mosala yango ezali kokende mbangu mpo bato bazali kosala na molende. 9 Bongo tosololaki na bankulutu na bango mpe totunaki bango: ‘Nani apesi bino etinda ya kotonga ndako oyo mpe kosilisa mosala yango?’*+ 10 Totunaki bango mpe bankombo na bango, mpo tóyebisa yo yango, mpo oyeba bankombo ya mibali oyo bazali kokamba bango.
11 “Bapesaki biso eyano oyo: ‘Tozali basaleli ya Nzambe ya likoló mpe ya nse, mpe tozali kotonga lisusu ndako oyo etongamaki bambula mingi liboso, oyo mokonzi monene ya Yisraele atongaki mpe asilisaki.+ 12 Kasi, batata na biso basilikisaki Nzambe ya likoló,+ yango wana apesaki bango na lobɔkɔ ya Nebukadenezare+ mokonzi ya Babilone, Mokaladea, oyo abukaki ndako oyo+ mpe amemaki bato na mboka mopaya, na Babilone.+ 13 Atako bongo, na mbula ya liboso ya boyangeli ya Siruse mokonzi ya Babilone, mokonzi Siruse apesaki etinda ya kotonga lisusu ndako oyo ya Nzambe.+ 14 Lisusu mokonzi Siruse abimisaki na tempelo ya Babilone bisaleli ya wolo mpe ya palata ya ndako ya Nzambe, oyo Nebukadenezare azwaki na tempelo na Yerusaleme mpe amemaki yango na tempelo ya Babilone.+ Bapesaki yango mobali moko nkombo na ye Sheshebazare,*+ oyo Siruse akómisaki guvɛrnɛrɛ.+ 15 Siruse alobaki na ye: “Zwá bambɛki oyo. Kende kotya yango na tempelo oyo ezali na Yerusaleme, mpe tiká ete ndako ya Nzambe etongama lisusu na esika na yango ya kala.”+ 16 Bongo Sheshebazare yango ayaki, mpe atyaki miboko ya ndako ya Nzambe,+ oyo ezali na Yerusaleme. Mpe banda ntango wana tii sikoyo ndako yango ezali kotongama lisusu, kasi esili naino te.’+
17 “Sikoyo soki emonani malamu na miso ya mokonzi, tiká ete bálukaluka na biloko ya motuya ya mokonzi oyo ezali kuna na Babilone, mpo na koyeba soki ezali solo ete mokonzi Siruse apesaki etinda ya kotonga lisusu ndako yango ya Nzambe na Yerusaleme.+ Mpe tiká mokonzi atindela biso ekateli na ye na likambo yango.”