Yobo

28 “Ezali na esika ya kotimola palata

Mpe esika ya kozwa wolo oyo bapɛtolaka;+

 2 Ebende ezwamaka na mabele,

Mpe uta na mabanga motako enyangwisamaka.*+

 3 Moto amemaka pole esika oyo molili ezali;

Akendaka esika oyo molili ezali makasi,

Mpo na kozwa mabanga ya ntalo.

 4 Atimoli libulu mosika na bisika oyo bato bafandaka,

Bisika oyo babosaná, mosika na bisika oyo bato batambolaka;

Bato mosusu bazali kokita mpe kodiembela, bakei epai bazongi epai.

 5 Biloko ya kolya ebimaka na mabele;

Kasi na nse, mabele ezali kobongwana lokola nde na mɔtɔ.*

 6 Kuna na mabanga nde safire ezali,

Mpe putulu ezali na wolo.

 7 Ata ndɛkɛ moko te oyo ekangaka banyama eyebi nzela yango;

Liso ya kombekombe ya moindo emoná yango te.

 8 Banyama mineneminene ata moko te enyatanyatá yango;

Mwana-nkɔsi atambolá kuna te.

 9 Na lobɔkɔ na ye, moto abɛti libanga ya silekisi;

Akweisi bangomba banda na moboko na yango.

10 Atimoli bilekelo ya mai+ na kati ya mabanga;

Miso na ye ezali komona eloko nyonso ya motuya.

11 Akangi bisika oyo bibale ezali kouta

Mpe amemi eloko oyo ebombani na pole.

12 Kasi bwanya, ekoki kozwama wapi,+

Mpe mayele eutaka wapi?+

13 Moto moko te ayebi motuya na yango,+

Mpe ekoki kozwama te na mokili ya bato ya bomoi.

15 Bakoki te kosomba yango na wolo ya pɛto;

Mpe palata ekoki te komekama kilo mpo na kopesama na esika na yango.+

16 Bakoki te kosomba yango na wolo ya Ofire,+

To na libanga ya onikisi oyo emonanaka mingi te, to mpe na safire.

17 Bakoki te kokokanisa yango na wolo ná talatala;

Mpe mbɛki moko te ya wolo oyo epɛtolami* ekoki kopesama na esika na yango.+

18 Mabanga ya korai mpe ya kristale ebongi ata kotángama te,+

Mpo saki oyo etondi na bwanya eleki saki oyo etondi na mayaka.

19 Bakoki kokokanisa yango te na libanga ya topazi+ ya Kushi;

Bakoki te kosomba yango ata na wolo ya pɛto.

20 Kasi bwanya eutaka wapi,

Mpe mayele eutaka wapi?+

21 Ebombamá na miso ya ekelamu nyonso ya bomoi+

Mpe ata bandɛkɛ ya likoló ekoki komona yango te.

22 Libebi ná liwa balobi:

‘Matoi na biso eyoká kaka nsango na yango.’

23 Nzambe ayebi nzela ya komona yango,

Kaka ye nde ayebi esika efandaka,+

24 Mpo atalaka tii na nsuka nyonso ya mabele,

Mpe amonaka eloko nyonso oyo ezali na nse ya likoló.+

25 Ntango asalaki ete mopɛpɛ ezala na nguya*+

Mpe atyaki ndelo ya bamai,+

26 Ntango atyaki mobeko mpo na mbula+

Mpe nzela mpo na lipata ya mbula ya mopɛpɛ makasi oyo ebɛtisaka bankake,+

27 Na ntango yango amonaki bwanya mpe alimbolaki yango;

Atyaki bwanya mpe amekaki yango.

‘Talá! Kobanga Yehova, ezali bwanya,+

Mpe kotika mabe ezali mayele.’”+