Nzembo
Epai ya mokambi ya nzembo; na ebɛtɛlo ya “Bishe ya ntɔngɔntɔngɔ.”* Mondule ya Davidi.
22 Nzambe na ngai, Nzambe na ngai, mpo na nini osundoli ngai?+
Mpo na nini ozali koya te kobikisa ngai,
Mpo na nini ozali te koyoka koganga na ngai ya kolela?+
2 Nzambe na ngai, na moi, nazali se kobelela, kasi ozali koyanola te;+
Mpe na butu, nazali kofanda nyɛɛ te.
7 Baoyo nyonso bazali komona ngai bazali kosɛka ngai;+
Bazali kotyola mpe koningisa mitó na bango na kosɛka:+
8 “Ye atyelaki Yehova motema. Tiká abikisa ye!
Tiká asikola ye, mpo asepeli na ye mingi!”+
9 Yo Moto obimisaki ngai na libumu,+
Moto osalaki ete namiyoka ete nabatelami ntango nazalaki na mabɛlɛ ya mama na ngai.
10 Napesamaki na mabɔkɔ* na yo banda ntango nabotamaki;
Banda na libumu ya mama na ngai ozalaki Nzambe na ngai.
13 Bafungoleli ngai mpenza monɔkɔ polele,+
Lokola nkɔsi oyo ezali koganga mpe kopasola nyama bitenibiteni.+
14 Nasopami lokola mai;
Mikuwa na ngai nyonso ekabwani.
15 Nguya na ngai ekauki lokola eteni ya mbɛki;+
Lolemo na ngai ekangami na misuni ya mino na ngai;+
Ozali kokitisa ngai na putulu ya liwa.+
16 Banguna na ngai bazingi ngai lokola bambwa;+
Bapusani pene na ngai lokola etuluku ya basali-mabe,+
Bazali koswa mabɔkɔ na ngai ná makolo na ngai lokola nkɔsi.+
17 Nakoki kotánga mikuwa na ngai nyonso.+
Bazali kotala ngai, mpe bazali kotalatala ngai.
19 Kasi yo, Ee Yehova, kozala mosika te.+
Ozali makasi na ngai; yaká noki kosunga ngai.+
20 Bikisá ngai na mopanga,
Bikisá bomoi na ngai ya motuya* na manzaka* ya mbwa;+
21 Bikisá ngai na monɔkɔ ya nkɔsi+ mpe na maseke ya bangɔmbɛ ya zamba;
Yanolá ngai mpe bikisá ngai.
23 Bino baoyo bobangaka Yehova, bósanzola ye!
Bino nyonso libota* ya Yakobo, bópesa ye nkembo!+
Bóbanga ye, bino nyonso libota* ya Yisraele.
Abombeli ye elongi na ye te.+
Ntango alelelaki ye mpo na kosɛnga lisalisi, ayokaki.+
25 Nakosanzola yo na kati ya lisangá monene;+
Nakokokisa bilako na ngai liboso ya baoyo babangaka ye.
Bósepela* na bomoi mpo na libela.
27 Bansuka nyonso ya mabele ekokanisa Yehova mpe ekozongela ye.
Mabota nyonso ya bikólo ekogumbamela yo.+
29 Bato nyonso ya bozwi* oyo bazali na mabele bakolya mpe bakogumbama;
Baoyo nyonso bazali kokita na putulu bakofukama liboso na ye;
Moto moko te kati na bango akoki kobatela bomoi na ye.
31 Bakoya mpe bakoyebisa bato oyo bakobotama nsima misala na ye ya bosembo,
Mpe bakoloba ete asali makambo yango.