Nzembo

102 Ee Yehova, yoká libondeli na ngai;+

Tiká kolela na ngai mpo na kosɛnga lisalisi ekómela yo.+

Tyá litoi na yo epai na ngai;*

Yanolá ngai nokinoki ntango nazali kobelela yo.+

 3 Mpo mikolo na ngai ezali kolimwa lokola milinga,

Mpe mikuwa na ngai ekómi mɔtɔ lokola lituka.+

 4 Motema na ngai ebɛtami mpe ekauki lokola matiti,+

Mpo nabosani kolya bilei na ngai.

 5 Lokola mpasi na ngai ezali makasi mingi+

Mikuwa na ngai ekangami na mosuni na ngai.+

 6 Nakokani na ndɛkɛ oyo ebengami libɛki ya esobe.

Nazali lokola esulungutu moke ya bisika oyo etikalá mpamba.

 7 Nazali kozwa mpɔngi te;*

Nazali lokola ndɛkɛ oyo ezali yango moko na nsamba.+

 9 Mpo nazali kolya putulu ya mɔtɔ lokola limpa,+

Mpe oyo nazali komɛla esangisami na mai ya miso,+

10 Mpo na kosilika na yo mpe nkanda na yo,

Mpo otomboli ngai, mpo na nsima obwaka ngai.

11 Mikolo na ngai ezali lokola elili oyo ezali kolimwa ntango moi ezali kobima,+

Mpe nazali kokauka lokola matiti.+

12 Kasi, yo, Ee Yehova, okotikala libela na libela,+

Mpe lokumu* na yo ekoumela libota na libota.+

13 Na ntembe te, okotɛlɛma mpe okoyokela Siona mawa,+

Mpo oyo ezali ntango ya komonisela ye boboto;+

Ntango oyo etyamá ekoki.+

14 Mpo basaleli na yo basepeli na mabanga na ye,+

Mpe bazali kosepela ata na putulu na ye.+

15 Bikólo ekobanga nkombo ya Yehova,

Mpe bakonzi nyonso ya mabele bakobanga nkembo na yo.+

16 Mpo Yehova akotonga lisusu Siona;+

Akomonana na nkembo na ye.+

17 Akotya likebi na libondeli ya babola;+

Akotyola libondeli na bango mpe te.+

18 Yango ekomami mpo na libota oyo ekoya,+

Mpo bato oyo bakozala na bomoi* na mikolo ezali koya básanzola Yah.

19 Mpo uta na esika na ye mosantu oyo etombwamá atali na nse,+

Uta na likoló Yehova atalaka mabele,

20 Mpo na koyoka kolela na mongongo ya nse* ya moto ya bolɔkɔ,+

Mpo na kobimisa baoyo bakateli bango etumbu ya liwa,+

21 Mpo nkombo ya Yehova esakolama na Siona+

Mpe lisanzoli na ye na Yerusaleme,

22 Ntango bato ya bikólo mpe makonzi

Bakosangana elongo mpo na kosalela Yehova.+

23 Asilisaki nguya na ngai na nzela;

Akómisaki mikolo na ngai mokuse.

24 Nalobaki ete: “Ee Nzambe na ngai,

Kosala te ete nakufa na katikati ya bomoi na ngai,

Yo, oyo bambula na yo ezali koumela mabota nyonso.+

25 Kalakala otyaki miboko ya mabele,

Mpe likoló ezali mosala ya mabɔkɔ na yo.+

26 Yango ekobeba, kasi yo okozala kaka;

Yango nyonso ekonzuluka lokola elamba.

28 Bana ya basaleli na yo bakofanda na kimya,

Mpe libota na bango ekopikama makasi liboso na yo.”+