Loyembo ya Salomo

2 “Nazali na ngai kaka fololo safra ya mokili ya patatalu pembeni ya mai,

Fololo lísi ya mabwaku.”+

 2 “Lokola fololo lísi na kati ya banzubɛ

Bolingo na ngai azali mpe bongo na kati ya bana basi.”

 3 “Lokola nzete ya pɔme na kati ya banzete ya zamba,

Bolingo na ngai azali mpe bongo na kati ya bana mibali.

Nazalaka na mposa makasi ya kofanda na nse ya elili na ye,

Mpe mbuma na ye ezalaka elɛngi na lolemo na ngai.

 4 Amemaki ngai na ndako ya fɛti,*

Mpe bato nyonso bakokaki komona bolingo oyo azalaki na yango mpo na ngai.

 5 Bópesa ngai bagato ya mbuma ya vinyo+ mpo nazwa lisusu makasi;

Bósunga ngai na bapɔme,

Mpo nabɛli maladi ya bolingo.

 6 Lobɔkɔ na ye ya mwasi ezali na nse ya motó na ngai,

Mpe lobɔkɔ na ye ya mobali ezingi ngai.+

 7 Ee bana basi ya Yerusaleme,

Na nkombo ya bamboloko+ mpe ya banyama babengi bishe ya esobe, nalapisi bino ndai ete:

Talá! Ye wana azali koya,

Azali komata bangomba, azali kopumbwa na bangomba mike.

Ye wana atɛlɛmi na nsima ya efelo na biso,

Azali kotalatala na bafɛnɛtrɛ,*

Azali kobwaka liso na kiyungulu ya bafɛnɛtrɛ.

‘Tɛlɛmá, moto oyo nalingaka mingi,

Ozali mpenza kitoko, yaká tókende.

12 Bafololo ebimi na mboka,+

Ntango ekoki mpo na kokata bitape ya nzete ya vinyo,+

Mpe loyembo ya epopo* eyokani na mboka+ na biso.

13 Bafigi ya ebandeli eteli na nzete;+

Banzete ya vinyo eboti bafololo mpe epanzi nsolo na yango ya kitoko.

14 Ee ebenga na ngai, na kati ya madusu ya libanga,+

Na kati ya mwa mabulu ya ngomba ya libanga,

Nazali na mposa ya komona yo mpe koyoka mongongo na yo,+

Mpo mongongo na yo ezali kitoko mpe nzoto na yo ezali bonzenga.’”+

15 “Bókangela biso bagambala,

Bagambala ya mike oyo ezali kobebisa bilanga ya vinyo,

Mpo bilanga na biso ya vinyo etondi na bafololo.”

17 Liboso ete mopɛpɛ ya moi epɛpa mokemoke mpe bilili elimwa,

Zongá nokinoki, Ee bolingo na ngai;

Lokola mboloko+ to mwana ya nyama ebengami serfe+ likoló ya bangomba oyo ekaboli biso.*