Loyembo ya Salomo

3 “Na butu, na mbeto na ngai,

Nalukaki moto oyo nalingaka.*+

 2 Nakotɛlɛma mpe nakotambolatambola na engumba;

Na babalabala mpe na bisika minene ya bato nyonso,

Nakoluka moto oyo nalingaka.

 4 Ntango kaka nalekaki bango

Namonaki moto oyo nalingaka.

Nakangamaki na ye, mpe nalingaki te kotika ye akende

Tii ntango namemaki ye na ndako ya mama na ngai,+

Na shambrɛ ya kati ya mwasi oyo abotaki ngai.

 5 Ee bana basi ya Yerusaleme,

Na nkombo ya bamboloko mpe ya banyama babengi bishe ya esobe, nalapisi bino ndai ete:

 6 “Nini wana euti na esobe mpe ezali komata lokola makonzí ya milinga,

Oyo batye malasi ya mire mpe ya olibana,

Mpe mitindo nyonso ya pudrɛ ya nsolo kitoko ya moto ya mombongo?”+

Mibali ya nguya ntuku motoba bazingi yango,

Oyo bazwami na kati ya mibali ya nguya ya Yisraele,+

 8 Bango nyonso bazali na mopanga,

Balakisá bango ndenge ya kobunda,

Moto na moto na mopanga na ye na loketo

Mpo na komibatela na makama ya butu.”

 9 “Ezali tipoyi* ya Mokonzi Salomo

Oyo amisalelá na banzete ya Liban.+

10 Asalá makonzí na yango na palata,

Biloko oyo esimbi yango ezali ya wolo.

Kiti na yango ezali ya lɛnɛ ya mwa motane-bulé;

Bana basi ya Yerusaleme babongisá kati ya tipoyi yango

Na bolingo mpenza.”

11 “Ee bana basi ya Siona, bóbima,

Bótala Mokonzi Salomo

Alati motole* ya libala oyo mama na ye+ atongelaki ye

Na mokolo ya libala na ye,

Na mokolo oyo motema na ye ezalaki na esengo.”