Yosua

12 Talá bakonzi ya mokili oyo Bayisraele balongaki mpe bazwaki mokili na bango na ngámbo ya ɛsti ya Yordani, banda na Lobwaku* ya Arnone,+ matá tii na Ngomba Heremone+ mpe Araba mobimba, na ɛsti:+ 2 Sihone,+ mokonzi ya Baamore, oyo azalaki kofanda na Heshibone mpe azalaki koyangela banda na Aroere,+ oyo ezalaki pembenipembeni ya Lobwaku* ya Arnone,+ mpe banda na katikati ya lobwaku yango, mpe ndambo ya Gileade tii na Lobwaku* ya Yaboke, na ndelo ya Baamone. 3 Azalaki mpe koyangela Araba tii na Mbu ya Kinerete*+ na ngámbo ya ɛsti mpe tii na Mbu ya Araba, elingi koloba Mbu ya Mungwa,* na ɛsti na ngámbo ya Bete-yeshimote, mpe na ngámbo ya sudi na nse ya bisika oyo ngomba ya Pisga+ ekitá.

4 Bayisraele bazwaki mpe teritware ya Mokonzi Oge+ ya Bashane, moko ya bato ya nsuka ya Barefaime,+ oyo azalaki kofanda na Ashetarote mpe na Edrei. 5 Oge azalaki koyangela Ngomba Heremone, Saleka, mpe Bashane+ mobimba, kino na ndelo ya Bageshure mpe Bamaakate,+ mpe ndambo ya Gileade, tii na teritware ya Mokonzi Sihone, ya Heshibone.+

6 Moize mosaleli ya Yehova ná Bayisraele nde balongaki bango.+ Na nsima, Moize mosaleli ya Yehova apesaki mokili na bango epai ya Barubene, Bagade, mpe ndambo ya libota ya Manase,+ mpo ezala ya bango.

7 Talá bakonzi ya mokili oyo Yosua ná Bayisraele balongaki na ngámbo ya wɛsti ya Yordani, banda na Baala-gade+ na Lobwaku ya Liban,+ tii na Ngomba Halake,+ oyo emati na Seire.+ Nsima ya kolonga bango, Yosua apesaki mokili na bango epai ya mabota ya Yisraele, libota na libota na eteni na yango, mpo ezala ya bango.+ 8 Teritware yango ezalaki na etúká ya ngombangomba, na Shefela, na Araba, na bisika bangomba ekitá, na esobe, mpe na Negebe.+ Ezalaki mokili ya Bahiti, Baamore,+ Bakanana, Baperizi, Bahivi mpe Bayebusi.+ Talá bakonzi yango: