Yisaya
46 Bele agumbami,+ Nebo agunzami.
Banyama ná banyama oyo ememaka mikumba ekumbi bikeko na bango,+
Lokola mikumba ya kilo likoló ya banyama oyo elɛmbi.
2 Bagunzami mpe bagumbami bango nyonso elongo;
Bakoki te kobikisa mikumba* na bango,
Mpe bango moko bazali kokende na kokangama.
3 “Ee libota ya Yakobo, bóyoka ngai, mpe bino nyonso bato ya ekólo Yisraele oyo botikali,+
Bino baoyo nasalisá liboso bóbotama, mpe namemá banda na libumu.+
4 Tii na bobange na bino nakozala kaka ndenge nazalaka;+
Tii bokokóma na nsuki mpɛmbɛ, nakosalisa bino.
Ndenge nasalaki yango, nakokumba bino, nakosalisa bino mpe nakobikisa bino.+
5 Bokomeka ngai na nani to bokokómisa ngai ndenge moko na nani,
To bokokokanisa ngai na nani+ mpo ngai ná ye tózala ndenge moko?+
6 Ezali na bato oyo babimisaka wolo na potɔmɔni mpe basopasopaka yango;
Bamekaka kilo ya palata na emekeli-kilo.
Bafutaka mosali-bibende, mpe asalaka na yango nzambe.+
Na nsima, bafukamelaka yango, ɛɛ, basambelaka yango.*+
7 Bamemaka yango na mapeka na bango;+
Bakumbaka yango, batyaka yango na esika na yango mpe etɛlɛmaka kaka wana.
Elongwaka te na esika na yango.+
Babelelaka yango, kasi eyanolaka te;
Ekoki kobikisa moto te na ntango ya mpasi.+
8 Bókanisa lisusu yango, mpo bózwa mpiko.
Bótya yango na motema, bino babuki-mibeko.
Nazali Nzambe mpe mosusu lokola ngai azali te.+
10 Banda na ebandeli nayebisaka ndenge makambo ekosuka,
Mpe banda kala makambo oyo esalemi naino te;+ nalobaka ete
11 Nazali kobenga ndɛkɛ oyo ekangaka nyama uta epai moi ebimaka,*+
Mpe nabengaka uta na mokili ya mosika moto oyo akokokisa ekateli* na ngai.+
Nalobi mpe nakokokisa yango.
Nakani yango, mpe nakosala yango.+
Nakopesa lobiko na Siona, mpe nkembo na ngai na Yisraele.”+