Nzembo

79 Ee Nzambe, bikólo bakɔti na libula na yo;+

Bakómisi tempelo na yo mosantu mbindo;+

Bakómisi Yerusaleme engumba oyo ebebá mpo na libela.+

 2 Bapesi bandɛkɛ ya likoló bibembe ya basaleli na yo mpo ezala bilei na yango

Mpe mosuni ya bato na yo ya sembo na banyama ya zamba ya mabele.+

 3 Basopi makila na bango lokola mai bipai nyonso na Yerusaleme,

Mpe moto moko te atikali mpo akunda bango.+

 4 Tokómi eloko ya nsɔni na miso ya bato oyo bafandi penepene na biso;+

Bato oyo bafandi zingazinga na biso bazali kosɛka mpe kotyola biso.

 6 Sopelá bikólo oyo eyebi yo te nkanda makasi na yo

Mpe makonzi oyo ebeleli nkombo na yo te.+

 7 Mpo balei Yakobo

Mpe batiki esika na ye ya kofanda mpamba.+

Moniselá biso motema mawa na yo kozanga koumela,+

Mpo tokitisami mpenza.

 9 Ee Nzambe ya lobiko na biso, salisá biso,+

Mpo na nkembo ya nkombo na yo;

Bikisá biso mpe limbisá* masumu na biso mpo na nkombo na yo.+

Na miso na biso, eyebana na kati ya bikólo

Ete mabe ezongisami mpo na makila ya basaleli na yo oyo esopamaki.+

12 Pesá bato oyo bafandi penepene na biso etumbu mbala nsambo+

Mpo na kotyola oyo batyoli yo, Ee Yehova.+

13 Biso bato na yo mpe etonga ya esika na yo ya koleisa bibwɛlɛ matiti,+

Tokopesa yo matɔndi mpo na libela;

Mpe tokosanzola yo libota na libota.+