Yosua

21 Sikoyo bankumu ya batata ya mabota ya Balevi bayaki epai ya nganga-nzambe Eleazare,+ Yosua mwana ya Nunu, mpe bankumu ya batata ya mabota ya Bayisraele, 2 na Shilo,+ na mokili ya Kanana, balobi: “Yehova apesaki mitindo na nzela ya Moize ete bápesa biso bingumba ya kofanda, ná bisika na yango ya koleisa banyama na biso matiti.”+ 3 Bongo, kaka ndenge Yehova apesaki etinda, Bayisraele bapesaki Balevi bingumba yango+ ná bisika na yango ya koleisa bibwɛlɛ matiti, oyo eutaki na libula na bango moko.+

4 Nsima ya kobwaka mbɛsɛ, libula ebimaki mpo na mabota ya Bakohate.+ Balevi oyo bazalaki bakitani ya nganga-nzambe Arona bazwaki na nzela ya mbɛsɛ* bingumba 13 na teritware ya libota ya Yuda,+ ya libota ya Simeone,+ mpe ya libota ya Benyamina.+

5 Mpe nsima ya kobwaka mbɛsɛ, bapesaki Bakohate mosusu oyo batikalaki bingumba zomi, oyo ezwamaki na mabota na teritware ya libota ya Efraime,+ ya Dani mpe ya ndambo ya libota ya Manase.+

6 Bapesaki Bagereshone+ bingumba 13 na teritware ya mabota ya Isakare, ya Ashere, ya Nafatali mpe ya ndambo ya libota ya Manase na etúká ya Bashane.+

7 Bazwaki bingumba 12 na teritware ya libota ya Rubene, ya Gade mpe ya Zebulone+ mpe bapesaki yango Bamerari,+ na kolanda mabota na bango.

8 Na bongo, na nzela ya mbɛsɛ, Bayisraele bapesaki Balevi bingumba yango mpe bisika na yango ya koleisa bibwɛlɛ matiti, kaka ndenge Yehova apesaki mitindo na nzela ya Moize.+

9 Na yango, na teritware ya libota ya Yuda mpe na teritware ya libota ya Simeone, bazwaki bingumba oyo batángi bankombo na yango awa,+ mpe bapesaki yango 10 bana ya Arona, Balevi ya mabota ya Kohate, mpo nsima ya kobwaka mbɛsɛ, likabo ya liboso ezalaki ya bango. 11 Bapesaki bango Kiriate-arba+ (Arba azalaki tata ya Anake), elingi koloba, Hebrone,+ na etúká ya ngombangomba ya Yuda, ná bisika na yango ya zingazinga mpo na koleisa bibwɛlɛ matiti. 12 Kasi bapesaki Kalebe mwana ya Yefune esobe ya engumba ná bamboka na yango oyo ezalaki zingazinga, mpo ezala ya ye.+

13 Mpe bapesaki bana ya nganga-nzambe Arona engumba ya ekimelo mpo na moto oyo abomi moto,+ elingi koloba, Hebrone+ ná bisika na yango ya koleisa bibwɛlɛ matiti, mpe Libina+ ná bisika na yango ya koleisa bibwɛlɛ matiti, 14 Yatire+ ná bisika na yango ya koleisa bibwɛlɛ matiti, Eshetemoa+ ná bisika na yango ya koleisa bibwɛlɛ matiti, 15 Holone+ ná bisika na yango ya koleisa bibwɛlɛ matiti, Debire+ ná bisika na yango ya koleisa bibwɛlɛ matiti, 16 Aine+ ná bisika na yango ya koleisa bibwɛlɛ matiti, Yuta+ ná bisika na yango ya koleisa bibwɛlɛ matiti mpe Bete-shemeshe ná bisika na yango ya koleisa bibwɛlɛ matiti. Bingumba yango nyonso ezalaki libwa mpe bazwaki yango na teritware ya mabota wana mibale.

17 Mpe na teritware ya libota ya Benyamina bazwaki Gibeone+ ná bisika na yango ya koleisa bibwɛlɛ matiti, Geba ná bisika na yango ya koleisa bibwɛlɛ matiti,+ 18 Anatote+ ná bisika na yango ya koleisa bibwɛlɛ matiti mpe Alamone ná bisika na yango ya koleisa bibwɛlɛ matiti: bingumba minei.

19 Bingumba nyonso oyo bapesaki bakitani ya Arona, banganga-nzambe, ezalaki 13 ná bisika na yango ya koleisa bibwɛlɛ matiti.+

20 Nsima ya kobwaka mbɛsɛ, bapesaki mabota ya Bakohate oyo batikalaki na kati ya Balevi bingumba na teritware ya libota ya Efraime. 21 Bapesaki bango engumba ya ekimelo mpo na moto oyo abomi moto,+ elingi koloba, Shekeme+ ná bisika na yango ya koleisa bibwɛlɛ matiti na etúká ya ngombangomba ya Efraime, mpe Gezere+ ná bisika na yango ya koleisa bibwɛlɛ matiti, 22 Kibizaime ná bisika na yango ya koleisa bibwɛlɛ matiti mpe Bete-horone+ ná bisika na yango ya koleisa bibwɛlɛ matiti: bingumba minei.

23 Mpe na teritware ya libota ya Dani bazwaki Eleteke ná bisika na yango ya koleisa bibwɛlɛ matiti, Gibetone ná bisika na yango ya koleisa bibwɛlɛ matiti, 24 Aiyalone+ ná bisika na yango ya koleisa bibwɛlɛ matiti, mpe Gate-rimone ná bisika na yango ya koleisa bibwɛlɛ matiti: bingumba minei.

25 Mpe na teritware ya ndambo ya libota ya Manase bazwaki Taanake+ ná bisika na yango ya koleisa bibwɛlɛ matiti mpe Gate-rimone ná bisika na yango ya koleisa bibwɛlɛ matiti: bingumba mibale.

26 Bingumba nyonso ná bisika na yango ya koleisa bibwɛlɛ matiti oyo mabota mosusu ya Bakohate ezwaki, ezalaki zomi.

27 Mpe Bagereshone+ ya mabota ya Balevi bazwaki na teritware ya ndambo ya libota ya Manase engumba ya ekimelo mpo na moto oyo abomi moto, elingi koloba, Golane,+ na etúká ya Bashane, ná bisika na yango ya koleisa bibwɛlɛ matiti mpe Beeshetera ná bisika na yango ya koleisa bibwɛlɛ matiti: bingumba mibale.

28 Mpe na teritware ya libota ya Isakare+ bazwaki Kishione ná bisika na yango ya koleisa bibwɛlɛ matiti, Daberate+ ná bisika na yango ya koleisa bibwɛlɛ matiti, 29 Yaramute ná bisika na yango ya koleisa bibwɛlɛ matiti mpe Ene-ganime ná bisika na yango ya koleisa bibwɛlɛ matiti: bingumba minei.

30 Mpe na teritware ya libota ya Ashere+ bazwaki Mishale ná bisika na yango ya koleisa bibwɛlɛ matiti, Abadone ná bisika na yango ya koleisa bibwɛlɛ matiti, 31 Helekate+ ná bisika na yango ya koleisa bibwɛlɛ matiti, mpe Rehobe+ ná bisika na yango ya koleisa bibwɛlɛ matiti: bingumba minei.

32 Mpe na teritware ya libota ya Nafatali bazwaki engumba ya ekimelo+ mpo na moto oyo abomi moto, elingi koloba, Kedeshe+ na Galile ná bisika na yango ya koleisa bibwɛlɛ matiti, Hamote-dore ná bisika na yango ya koleisa bibwɛlɛ matiti mpe Karatane ná bisika na yango ya koleisa bibwɛlɛ matiti: bingumba misato.

33 Bingumba nyonso ya Bagereshone, na kolanda mabota na bango, ezalaki 13 ná bisika na yango ya koleisa bibwɛlɛ matiti.

34 Mabota ya Bamerari,+ Balevi oyo batikalaki, bazwaki bingumba na teritware ya libota ya Zebulone:+ Yokoneame+ ná bisika na yango ya koleisa bibwɛlɛ matiti, Karata ná bisika na yango ya koleisa bibwɛlɛ matiti, 35 Dimina ná bisika na yango ya koleisa bibwɛlɛ matiti, mpe Nahalale+ ná bisika na yango ya koleisa bibwɛlɛ matiti: bingumba minei.

36 Mpe na teritware ya libota ya Rubene bazwaki Bezere+ ná bisika na yango ya koleisa bibwɛlɛ matiti, Yahaze ná bisika na yango ya koleisa bibwɛlɛ matiti,+ 37 Kedemote ná bisika na yango ya koleisa bibwɛlɛ matiti mpe Mefaate ná bisika na yango ya koleisa bibwɛlɛ matiti: bingumba minei.

38 Mpe na teritware ya libota ya Gade+ bazwaki engumba ya ekimelo mpo na moto oyo abomi moto, elingi koloba, Ramote na Gileade+ ná bisika na yango ya koleisa bibwɛlɛ matiti, Mahanaime+ ná bisika na yango ya koleisa bibwɛlɛ matiti, 39 Heshibone+ ná bisika na yango ya koleisa bibwɛlɛ matiti mpe Yazere+ ná bisika na yango ya koleisa bibwɛlɛ matiti: nyonso bingumba minei.

40 Bingumba nyonso oyo bapesaki Bamerari, Balevi oyo batikalaki, na kolanda mabota na bango, ezalaki 12.

41 Bingumba nyonso oyo Balevi bazwaki na teritware ya Bayisraele ezalaki 48, ná bisika na yango ya koleisa bibwɛlɛ matiti.+ 42 Engumba yango mokomoko ezalaki na bisika ya koleisa bibwɛlɛ matiti zingazinga na yango; ezalaki bongo mpo na bingumba yango nyonso.

43 Na yango Yehova apesaki Yisraele mokili mobimba oyo alapaki ndai ete akopesa bankɔkɔ na bango;+ bazwaki yango mpe bafandaki kuna.+ 44 Longola yango, Yehova apesaki bango bopemi bipai nyonso, kaka ndenge alapelaki bankɔkɔ na bango ndai,+ mpe ata monguna na bango moko te akokaki kotɛlɛma liboso na bango.+ Yehova apesaki banguna na bango nyonso na lobɔkɔ na bango.+ 45 Ata elaka* moko te na bilaka nyonso ya malamu oyo Yehova apesaki ndako ya Yisraele ezangaki kokokisama; yango nyonso ekokisamaki.+