Nzembo
Epai ya mokambi ya nzembo. Loyembo. Mondule.
66 Bino bato nyonso ya mabele, bóganga mpo na Nzambe koganga ya bolongi.+
2 Bóyemba mpo na kosanzola* nkembo ya nkombo na ye.
Bópesa lisanzoli na ye nkembo.+
3 Bóloba na Nzambe ete: “Misala na yo ezali mpenza nsɔmɔ!+
Mpo na makasi mingi oyo ozali na yango,
Banguna na yo bakoya liboso na yo na kolɛnga.+
4 Bato nyonso ya mabele bakogumbamela yo;+
Bakoyemba mpo na kosanzola yo;
Bakoyemba mpo na kosanzola nkombo na yo.”+ (Sela)
5 Bóya komona misala ya Nzambe.
Misala oyo asalelaka bana ya bato ezali nsɔmɔ.+
Kuna tosepelaki na ye.+
7 Ayangelaka na nguya na ye mpo na libela.+
Miso na ye ezali kotalatala bikólo.+
Baoyo bazali motó makasi, basengeli te komitombola.+ (Sela)
12 Otikaki moto, mowei mpamba, atambola likoló ya mitó na biso;
Tolekaki na kati ya mɔtɔ mpe na kati ya mai;
Bongo omemaki biso tii na esika ya kokitisa motema.
13 Nakokɔta na ndako na yo na makabo ya kotumba mobimba;+
Nakokokisa bilako na ngai epai na yo+
Mpe oyo monɔkɔ na ngai elobaki ntango nazalaki na mitungisi.
15 Nakopesa yo makabo ya kotumba ya banyama ya mafutamafuta
Ná milinga ya mbeka ya bampate-mibali.
Nakopesa bangɔmbɛ-mibali ná bantaba-mibali. (Sela)
17 Nabelelaki ye na monɔkɔ na ngai
Mpe nakumisaki ye na lolemo na ngai.
20 Nzambe asanzolama, ye oyo aboyaki libondeli na ngai te
To aboyeli ngai te bolingo na ye ya sembo.