Mokanda ya liboso ya Ntango

25 Lisusu, Davidi ná bakambi ya bituluku ya mosala bazwaki bana mosusu ya Asafe, ya Hemane, mpe ya Yedutune+ mpo na kosala mosala ya kosakola na banzɛnzɛ, na bibɛtɛli ya bansinga,+ mpe na basɛmbalɛ.+ Talá bankombo ya mibali oyo bazalaki kosala mosala yango, 2 na bana ya Asafe: Zakure, Yozefe, Netania, ná Asharela. Bana ya Asafe bazalaki kolanda litambwisi ya tata na bango, oyo azalaki kosakola na kolanda litambwisi ya mokonzi. 3 Na Yedutune,+ bana ya Yedutune: Gedalia, Zeri, Yeshaya, Shimei, Hashabia, ná Matitia,+ motoba. Bazalaki kolanda litambwisi ya tata na bango Yedutune, oyo azalaki kosakola na nzɛnzɛ mpo na kopesa Yehova matɔndi mpe kosanzola ye.+ 4 Na Hemane,+ bana ya Hemane: Bukia, Matania, Uziele, Shebuele, Yerimote, Hanania, Hanani, Eliata, Gidaliti, Romamiti-ezere, Yoshebekasha, Maloti, Hotire, ná Mahaziote. 5 Bango nyonso bazalaki bana ya Hemane, momoni-bimonaneli ya mokonzi mpo na makambo oyo etali Nzambe ya solo mpe oyo ezalaki kopesa ye nkembo;* na yango, Nzambe ya solo apesaki Hemane bana mibali 14 mpe bana basi 3. 6 Bango nyonso wana bazalaki kolanda litambwisi ya tata na bango mpo na koyemba na ndako ya Yehova, na basɛmbalɛ, bibɛtɛli ya bansinga, mpe na banzɛnzɛ.+ Yango nde ezalaki mosala na bango na ndako ya Nzambe ya solo.

Asafe, Yedutune, ná Hemane bazalaki kolanda litambwisi ya mokonzi.

7 Bango ná bandeko na bango oyo bayekolaki koyembela Yehova, mpe bayebaki koyemba malamu mpenza, bazalaki 288. 8 Na yango, babwakaki mbɛsɛ+ mpo na kokabolela bango misala, ezala mpo na elenge to mokóló, moto oyo ayebi mosala malamumalamu to moto oyo azali koyekola.

9 Mbɛsɛ ya liboso oyo ebimaki epai ya Asafe eponaki Yozefe,+ ya mibale Gedalia+ (ye, bandeko na ye, ná bana na ye bazalaki 12); 10 ya misato Zakure,+ bana na ye ná bandeko na ye, 12; 11 ya minei Yiziri, bana na ye ná bandeko na ye, 12; 12 ya mitano Netania,+ bana na ye ná bandeko na ye, 12; 13 ya motoba Bukia, bana na ye ná bandeko na ye, 12; 14 ya nsambo Yesharela, bana na ye ná bandeko na ye, 12; 15 ya mwambe Yeshaya, bana na ye ná bandeko na ye, 12; 16 ya libwa Matania, bana na ye ná bandeko na ye, 12; 17 ya zomi Shimei, bana na ye ná bandeko na ye, 12; 18 ya 11 Azarele, bana na ye ná bandeko na ye, 12; 19 ya 12 Hashabia, bana na ye ná bandeko na ye, 12; 20 ya 13 Shubaele,+ bana na ye ná bandeko na ye, 12; 21 ya 14 Matitia, bana na ye ná bandeko na ye, 12; 22 ya 15 Yeremote, bana na ye ná bandeko na ye, 12; 23 ya 16 Hanania, bana na ye ná bandeko na ye, 12; 24 ya 17 Yoshebekasha, bana na ye ná bandeko na ye, 12; 25 ya 18 Hanani, bana na ye ná bandeko na ye, 12; 26 ya 19 Maloti, bana na ye ná bandeko na ye, 12; 27 ya 20 Eliata, bana na ye ná bandeko na ye, 12; 28 ya 21 Hotire, bana na ye ná bandeko na ye, 12; 29 ya 22 Gidaliti,+ bana na ye ná bandeko na ye, 12; 30 ya 23 Mahaziote,+ bana na ye ná bandeko na ye, 12; 31 ya 24 Romamiti-ezere,+ bana na ye ná bandeko na ye, 12.